Вести › Набрзинка

Суспензија и кривична за шефот на обезбедувањето на Гаши поради инцидентот со Вјоса Османи

6 август 2024

Кривична пријава и отстранување од работното место за полицискиот службеник кој предизвика инцидент на Меѓународниот Аеродром „Скопје“, објави министерот за внатрешни работи, Панче Тошковски.

На Меѓународниот аеродром „Скопје“, на паркингот пред ВИП салонот, тој пристигнал со возило со поставени ротациони светла, излегол од возилото и од појасот го извадил пиштолот, го репетирал и повторно го вратил во појасот. На полицискиот службеник од Полициската станица за Граничниот премин Меѓународен аеродром „Скопје“, кој извршувал работни задачи пред вратата на ВИП салонот, му се обратил на висок тон, го турнал наназад со двете раце и заканувајќи му се, го спречил полицискиот службеник како службено лице во извршување на неговите службени дејствија, тврди МВР.
Против други двајца полициски службеници ќе се поднесе предлог за поведување на постапка за кршење на работниот ред и дисциплина, поради извршување на незаконита наредба, несовесно извршување на работни задачи и рушење на угледот на полицијата.

24 септември 2025

Еднократните уреди за пушење/испарување кои се појавија пред само неколку години, со уредба на ЕУ, ќе бидат забранети кон крајот на 2026 година.
Забраната првенствено е насочена кон заштита младите но и на животната средина. Електронските цигари за еднократна употреба содржат мали батерии со вредни суровини како што се литиум или кобалт, и тие обично завршуваат во ѓубре, наместо правилно да се рециклираат. Претставуваат и опасност од пожар.
На најголемиот светски саем за тутун, Интертабак во Дортмунд кој се одржуваше деновиве, од вкупно 800 штандови, 300 нуделе нови производи.
Во понудата биле над 600 различни вкусови – од нане и боровинки, па сè до чизкејк.
Постојат дури и е-цигари со вградени екрани и гејминг функционалности.

24 септември 2025

И Наќе Георгиев и Иџет Мемети признаа дека земале 10.000 евра мито, за да влијаат на судска пресуда и влијаеле, по што - едниот се спогоди со ЈО, а другиот доби само условна осуда.
Корумпираното обвинителство и судство не отворија постапки за обвинителите и судиите врз кои Георгиев и Мемети влијаеле, вели Викторија Андоновска од ВМРО-ДПМНЕ.
Каде се и кои се луѓето кои под притисок или влијание на Наќе Георгиев и за Иџет Мемети досудиле поблага казна? Тие уште судат и правоораздаваат, потсетува таа.