Вести › Набрзинка

Средношколци останаа без учебници, се плаќаат и по 600 денари за копија

20 септември 2023

На десетина дена од крајот на првиот месец од почетокот на учебната година, учебници нема, а има и такви кои се доста оштетени. Околу 600 денари ви требаат за да направите копија на еден учебник за средно образование.
Во меѓувреме почнаа и испрашувањата на учениците кои за да може да одговaраат, често печатат делови од учебникот со надеж дека учебници наскоро ќе има.
МОН во септември склучуваше договори за тековни учебници.

Види и: Не сиромавиот туку апатичниот двапати плаќа

извор

Бес во Израел заради прекинот на огнот

8 април 2026

„Ова е политички и стратешки пораз! Во целата наша историја, таква катастрофа никогаш не се случила“, го коментира примирјето шефот на израелската опозиција, Јаир Лапид.
Вели дека Бенјамин Нетанјаху не исполнил ниту една цел која си ја имал зададено иако војската направила сè што барал.
Лапид потсетува дека Израел не ни бил вклучен во преговорите и дека на државата „ќе ѝ требаат години за да се опорави од политичката и стратешката штета“ што Нетанјаху ја предизвика со својата ароганција, невнимание и недостаток на стратешко планирање.
Претседателот на партијата Израел Бејтену, Авигдор Либерман, оцени дека ваков договор со Иран значи дека Израел во иднина ќе мора повторно да влезе во конфликт, под потешки услови и по повисока цена.

извор

Одбиен предлогот за ограничување на учеството во странски војни

8 април 2026

Предлогот на пратеничката група на Левица за измени и дополнувања на Законот за одбрана не доби поддршка во Собранието, откако пратениците од СДСМ гласаа против, а пратениците од ВМРО-ДПМНЕ не гласаа.
„Собранието треба да ја ограничи Владата, така што армијата ќе се користи само во мисии со меѓународен легитимитет, одобрени од Советот за безбедност на Обединетите нации“, истакна Реџеп Исмаил.
„Со ова се елиминира можноста македонскиот војник да биде испраќан во геополитички лавиринти без јасен меѓународно-правен легитимитет, како монета за поткусурување во туѓи пресметки“.
Досегашните интервенции на НАТО – од Југославија, преку Ирак до Либија – покажуваат примери на операции без соодветен или залоупотребен мандат. Во образложението беше посочено и дека постои ризик од индиректно вклучување во конфликти преку поддршка, како што е испораката на оружје за Украина, што може да има економски, енергетски и безбедносни последици.

извор