- Лимузината со францускиот претседател Емануел Макрон била запрена на сообраќајна блокада во Менхетн и тој морал да чека додека не помине конвојот со американскиот претседател Доналд Трамп.
- Офицерот што го запрел на улица љубезно се извинил, но не му дозволил да помине додека не помине претседателската колона од десетина возила.
- Макрон веднаш му се јавил на Трамп и со пријателски тон му порачал: „Здраво, како си? Погоди, чекам на улица бидејќи сè е запрено поради тебе“. Потоа пеш тргнал кон Амбасадата на Франција и позирал за селфи со минувачи.
- Неколку часа претходно Макрон пред Генералното собрание на ОН објави дека Франција ја признава Палестина. Трамп го критикуваше тој потег како „награда за Хамас“.
- Тајната полиција уапсила маж, кој вперил ласерски зрак кон хеликоптерот со кој летал претседателот Доналд Трамп во саботата. Инцидентот го сметаат како директна закана за безбедноста на претседателот и на луѓето што биле со него во хеликоптерот.
- Џејкоб Винклер (33) е обвинет за „насочување ласер кон летало“, федерално кривично дело кое носи максимална казна од пет години затвор. Паричната казна е 250.000 долари, а Федералната администрација за воздухопловство може да одреди уште 32.000.
- Агент на Тајната служба го забележал Винклер како го вперува црвениот ласерски зрак кон хеликоптерот со Трамп додека летал на мала височина покрај Вашингтонскиот споменик. „Акциите на Винклер можеле да предизвикаат заслепување или дезориентација на пилотот за време на низок лет во близина на други хеликоптери, со што го зголемил ризикот од судар“, се вели во обвинението.
- Во текот на оваа година низ САД се пријавени 5.913 случаи на заслепување пилоти со ласер. При шест такви напади имало и повредени лица.
- Хрватските фармери се принудени да евтаназираат десетици илјади свињи за да го спречат ширењето на најголемата епидемија на африканска свинска чума што ја погодила земјата.
- Болеста се појавила на големата фарма „Беља“ со десетина илјади свињи и се проширила и на други во Славонија. Се проценува дека ќе бидат уништени до 50.000 животни, што би било над 5% од вкупното национално производство.
- Министерот за земјоделство Давид Влајчиќ не го отфрла тврдењето на Иван Пенава, лидер на партијата Домовински покрет, дека болеста не се проширила случајно во Хрватска, туку е дел од „специјална војна“.
- „Не исклучуваме никаква опција. Водиме кризен штаб на највисоко национално ниво. Вклучени се сите надлежни министерства, државниот обвинител и главниот државен инспектор. Ќе направиме сè за да ја ставиме ситуацијата под контрола. Не сакам да исклучам ниту една опција, дури ни специјална војна“, изјави министерот Влајчиќ.
- На почетокот на годината имаше жариште на вирусот во БиХ и во Србија, а потоа инфекцијата се појави и во Хрватска, по куленијада на која учествувале производители од овие две земји. „Тоа не е добра околност. Ќе го зголемиме граничниот надзор“, изјави министерот.
