- ЕСМ, за потребите на РЕК Битола, да ти склучила 632.000 евра вреден договор со фирмата „Хем алијанс“ за која потпишува извесна Милица Стојановиќ од Неготино.
- Милица да ти била во брак со Небојша Стојановиќ исто така од Неготино. Небојша не работи во фирмата кај Милица, туку е ангажиран како генерален директор на електраната ТЕЦ Неготино.
- За дополнително засилување на семејните врски, „Хем алијанс“ од Пепелиште, во чие име потпишува Милица е во сопственост на таткото на Небојша, а госпожата е управител.
- И пред да почнете да пењавите со тоа митото и корупција, од РЕК Битола порачуваат дека тука нема конфликт на интереси, што го поткрепуваат со фактот дека за тоа била „потпишана дури и изјава“.
- И? Малку ли ви е изјава?
- Претседателот Абдел Фатах Ел-Сиси го инаугурира новиот комплекс на Стратешката команда на Египет, познат како „Октагон“, кој по површина е речиси девет пати поголем од Пентагон во Вашингтон.
- Комплексот ќе служи не само како воен штаб, туку и како интегриран цивилно-воен центар за управување со кризи, борба против сајбер закани и војување од четврта и петта генерација.
- Вградени се напредни комуникациски мрежи и компјутерски систем со ВИ за анализа на големи бази на податоци и донесување одлуки.
- Објектот е дел од мегапроектот за изградба на Новиот административен главен град во пустина источно од Каиро, во кој постепено треба да бидат префрлани државни институции за да се растовари главниот град со 10 милиони жители.
- Американскиот потпретседател ЏД Венс изјави дека Русите не можат да постигнат речиси ништо во офанзивните операции на фронтот, ниту пак Украинците можат со своја контраофанзива да ги ослободат окупираните територии.
- „Русите плаќаат висока цена за секој квадратен километар што го освојуваат. Сега се во ситуација каде што шансите да постигнат нешто преку продолжени офанзивни операции се занемарливи и се приближуваат кон нула. Ова би можело да го создаде просторот што ни е потребен за да го донесеме ова прашање до крај“, изјави Венс во интервју за Сандеј тајмс.
- Фронтот, според него, е замрзнат затоа што САД и НАТО ја охрабриле Украина да се фокусира повеќе на одбраната и на исцрпување на Русија отколку да почне скапи офанзиви за освојување на окупираните територии.
- „Ако се сеќавате на летото 2023 година, главниот спор беше дали Украина треба да се обиде со голема контраофанзива. Речиси целиот западен свет, вклучувајќи го и претседателот Бајден, извршија притисок врз Украинците да почнат масовна контраофанзива, што подоцна се покажа како стратешка и тактичка катастрофа“, потсети Венс.
