Вести › Набрзинка

Што ти е држава: Вилма нè препраќа кај Орце

31 јули 2022

„Не знам дали е автентична. Мислам дека е дел од снимките што Јордан Камчев ги достави за предметот ‘Рекет’. Најдобро е Камчев да го прашате за автентичноста. Не знам кој е објавувачот“, вели Вилма Русковска за протечената снимка.
Јордан (Орце) Камчев е еден од обвинетите што постигнаа спогодба за случајот ,,Империја” со Русковска. Конкретно Камчев – да плати 5 милиони евра и да одлежи една година затвор.
Рускоска за тоа се пофали дека дилот е направен затоа што Камчев имал доверба во неа, за што прашавме „Кажете друга држава во која јавна обвинителка ќе се фали дека некој осуден на затворска казна имал доверба во неа?“
Германската амбасадорка во Македонија предупреди: Поштеда од затвор со плаќање милиони евра не влева доверба во судството.
Снимката:

извор

Никола Димитров и македонското искуство за „пократок пат до ЕУ“

18 октомври 2026

„Би сакал нашето искуство некому да му помогне да најдат пократок и подобар пат“, им порачува Никола Димитров на надлежните во Загреб и Подгорица кои се најдоа во клинч околу пристапувањето на Црна Гора во ЕУ.
„Знам колку е тешко да се постигне компромис што задира во најчувствителните прашања, а потоа и тој да се брани пред сопствените граѓани. Во истиот град – понекогаш дури и во истиот ден – за едни сте човекот што направил чудо (еве уште не можеме да се изначудиме -н.з.) зачувувајќи го она што е најважно – македонскиот идентитет – додека за други сте некој што отишол предалеку“.
Потписникот на Преспански успева да забележи дека откако ветувањата за во ЕУ се изјаловија, „луѓето почнуваат да се прашуваат дали направиле грешка што верувале во договорот“.

извор

Бездомник го навредил Ердоган за да преспие во затвор

17 октомври 2026

Бездомник од турскиот град Аланија пред суд признал дека намерно го навредил претседателот Реџеп Таип Ердоган, со цел да биде приведен и да добие храна и кревет во затвор.
„Немам каде да престојувам, спијам по депонии“, изјавил 66-годишниот маж на првото појавување пред суд. Признал и дека претходно три пати намерно го навредувал Ердоган, но не го задржале во притвор.
Според Членот 299 од Кривичниот законик на Турција, за навредување на претседателот е предвидена казна од една до четири години затвор.
Иако овој член постои со децении, неговата примена значително се зголеми откако Турција во 2018 година премина кон претседателски систем.
Во периодот од 2016 до крајот на 2025 година, обвинителите отвориле речиси 83.000 предмети за делата навредување на претседателот, знамето и државните симболи, турската нација и државните институции.

извор