Вести › Набрзинка

Шолц извади 65 милијарди евра за да ги спасува Германците од инфлација

5 септември 2022

Пакетот од 65 милијарди долари е наменет за заштита на граѓаните и бизнисите од инфлацијата.
Дел од парите ќе бидат снабдени од вишокот данок собран од компаниите за продажба на струја.
Со овие пари, Германија до сега има издвоено 95 милијарди евра за борба со инфлацијата.
Претходно, во две години пандемијата Германија економијата ја спасуваше со 300 милијарди евра.

извор

Да не се заборави: Во Кочани има 50 деца кои треба да закрепнат

18 мај 2025

„Моментално во Кочани има над 50 деца што имаат потреба од заздравување и закрепнување. Ние зборувавме со луѓе од Холандија, Германија и Бугарија за изработка на компресивна облека, тоа се ракавици, за нозе, стегачи, за гради и за лице, и за врат. Тие се некои помагала за што им требаат моментално за побрзо да оздрават“, вели Марко Димитриев од Support Kochani.
„Има деца што се со отворени рани, имаме информација дека има деца со бактерии, имаме деца со некоја инфекција. Ние можеме да ги поканиме сите институции да дојдат и да видат, да ги прошетаме низ болницата, да видат каква е ситуацијата и како тие деца се лекуваат“, вели Димитриев.
Тие деновиве објавија застрашувачки фотографии од повредените кои во моментов се кочанската болница за да алармираат за помош и јавноста да не ја заборави ситуацијата во Кочани.

извор

Ние и Енглезите - шест милијарди

17 мај 2025

Шест милијарди евра кои ќе се повлекуваат во транши и ќе се користат за капитални инвестиции во инфраструктурата, здравството и енергетиката, модернизирање на армијата и засилена соработка и размена на информации на безбедносните служби во борба против организираниот криминал, трговијата со дрога и со мигранти е суштината на стратешкиот договор меѓу Македонија и Обединетото Кралство.
Преговорите за стратешкото партнерство траеле со месеци а Мицкоски тврди дека условите под кои ќе се повлекуваат средствата се најдобри на пазарот.
„Репер ни е еурориборот, репер ни се два фиксни параметри а тоа се грејс период и долг период на отплата. Досега фиксирани се неколку проекти а тоа е реконструкција модернизација на пругата која што ќе ги поврзува табановце и Гевгелија со што очекуваме за десет пати да се зголеми карго транспортот и бројот на патници која ќе ја користат и да се зголеми брзината. Довршување на Клиничката болница во Штип, заедно со медицинскиот факултети студентски дом со 200 легла, изградба на нова болница во Кичево и реконструкција на Клиничката болница во тетово. Во иднина нормално ќе разговараме и за други проекти кои ќе бидат во рамките на овие услови за кои зборуваме“, вели премиерот Христијан Мицкоски.

извор