- Сенатот на САД усвои резолуција со која му наложува на претседателот Доналд Трамп да добие одобрение од Конгресот пред да ја продолжи војната во Иран.
- Идентична мерка беше усвоена и од Претставничкиот дом, но резолуцијата е во голема мера симболична, бидејќи нема сила на закон нема да му биде испратена на Трамп да ја потпише.
- Сепак, првото усвојување на резолуцијата по девет неуспешни гласања, сведочи дека Трамп ја губи поддршката од републиканските пратеници.
- Тоа може да се одрази на гласањето за барањето на Пентагон за уште 80 милијарди долари од буџетот за да се покријат трошоците од војната со Иран.
- Администрацијата на Трамп бара од Конгресот да одобри и буџет за одбрана од 1.500 милијарди долари за фискалната 2027 година, што е за 42% повеќе од сегашниот.
- Москва го осуди планот на Европската Унија да го прекине грантот од 2 милиони долари за Венециското биенале поради тоа што организаторите на престижната културна манифестација ѝ дозволија на Русија да отвори свој павилјон.
- „Обидите за бришење на руската култура, една од најбогатите цивилизациски култури на Земјата, се тажен развој на настаните. Всушност, руската култура отсекогаш била извор на меѓусебно збогатување и за Русија и за земјите каде што била присутна“, изјави портпаролот на Кремљ, Дмитриј Песков.
- Потпретседателката на Европската комисија, Хена Виркунен, објасни дека побарала од Европската извршна агенција за образование и култура (EACEA) да го прекине грантот за Венециското биенале, бидејќи „културата во Европа треба да промовира демократски вредности - што не се почитува во денешна Русија“. Комесарката за надворешна политика Каја Калас уште во април побара да прекине финансирањето.
- Италијанската опозиција ѝ изрази поддршка на Москва. „Културата не смее да биде цензурирана, уметниците не се војници“, изјави лидерот на партијата Венето, Лука Заја.
- Германските десничари АфД извадија програма во десет точки за првите 100 дена откако на изборите на 6 септември планираат да ја преземат власта во покраината Саска-Анхалт.
- Нивната победа таму се чини неизбежна со оглед на тоа што имаат поддршка од 40 % и веројатно и сами ќе можат да состават влада.
- Планираат да укинат задолжително плаќање на јавниот медиумски сервис, да ги зголемат капацитетите за притвор на оние кои чекаат депортација, да укинат финансирање на организации кои добиваат пари од странство, да забранат истакнување друго знаме освен државното во училиштата, да ги преиспитаат мерките донесени за време на пандемијата и да дадат субвенции за учениците во занаетчиските струки.
- АфД би можеле да бидат владејачка партија и на сојузно ниво бидејќи имаат предност во однос на владејачките но ЦДУ но за тоа во моментов немаат доволно коалиционен мастраф.
