Вести › Набрзинка

Сè е сетирано за уште една криминална приватизација

19 март 2024

Пошта има акумулирана загуба од 18,7 милиони евра. Загубата е поголема од капиталот проценет на 13,8 милиони евра.
На крајот од 2022 година имало дури 1.998 вработени, а нивните бруто-плати изнесувале 14,8 милиони евра.
Вработените укажуваат дека на еден работник има многу шефови, а според првиот човек на синдикатот Боро Велигденов, 80 проценти од вработените земаат околу минималната плата.
Рецептот е познат: Набутај ја фирмата со партиски легачи, менаџирај ја со партиски консиљера, презадолжувај ја со години и после фали се дека си нашол инвеститор кој е заинтересиран „да ја спаси”.

11 септември 2026

Организацијата Big Brother Watch открива дека помеѓу 2021 и 2025 година биле уапсени 62.199 лица за дела поврзани со слободата на говорот, што претставува приближно 34 апсења дневно.
Од нив, најмалку 18.500 лица биле обвинети, а 12.292 биле осудени. Наодите се базираат на барања за слободен пристап до информации.
Групата открила и големи географски разлики во спроведувањето. Полицијата во Камбрија регистрирала околу 25,7 апсења на 10.000 жители во текот на пет години, во споредба со само 1,9 во соседната Нортумбрија.
Big Brother Watch тоа го нарекува „Лотарија на поштенските кодови“.

11 септември 2026

Околу 30 роботи протестираа пред полското министерство за дигитални прашања, барајќи построга регулација на вештачката интелигенција и роботизацијата.
Организаторите, кои се луѓе, велат дека е потребна поголема јавна дебата за влијанието на новите технологии врз пазарот на трудот.
Министерот за дигитални прашања Кшиштоф Гавковски се сретнал со демонстрантите (?), им кажал дека неговиот оддел работи на потребните регулативи. Еден од организаторите рече дека плановите што моментално ги дискутира парламентот содржат недоволна заштита за работниците.