• Украинскиот претседател Володимир Зеленски изјави дека ќе замине од функцијата кога ќе заврши војната со Русија и дека нема намера да ја води Украина во време на мир. 
• „Целта ми е да ја завршам војната, а не да останам на функција“, изјави Зеленски во интервју за Аксиос. Тој нагласи дека ќе побара од Парламентот да распише избори дури и ако постигне договор за повеќемесечно примирје со Русија. Тоа му го кажал и на американскиот претседател Трамп на средбата во Њујорк.

• Комичарот беше избран за претседател во 2019 година, со мандат до мај 2024 година. Уставот на Украина забранува одржување избори за време на воена состојба. 
• Во интервјуто Зеленски кажал дека од САД очекува ново долгострелно оружје, кое Украина нема да се колеба да го употреби против Кремљ, за да го принуди Владимир Путин да преговара за крај на војната. Одбил да каже детали пред камера.
• „Нека проверат каде им се скривниците. Ќе им требаат, ако не прифатат да ја запрат војната“, изјави Зеленски.

• Кривичен суд во Париз го прогласи поранешниот француски претседател Никола Саркози за виновен за случајот за нелегално финансирање на кампањата во 2007 година со пари од либискиот лидер Моамер Гадафи. Саркози победи на тие избори и ги отфрла обвинувањата како „политички мотивирани“.

ЕДИТ: Изречена му е казна од пет години затвор, која нема да може да ја одложи со жалби на пресудата, и парична казна од 100.000 евра. „Ако сакаат да спијам во затвор, ќе спијам, но со крената глава“, изјави Саркози.

• Судот го ослободи Саркози од другите обвинувања, вклучувајќи примање украдена стока, проневера на јавни средства и пасивна корупција.
• Саркози, како министер за внатрешни работи, во 2005 година направил дил со Гадафи: Либија да му ја финансира кампањата, а кога ќе победи да ѝ се оддолжи со поддршка за враќање на меѓународната сцена. Во матната афера биле вклучени либиски шпиони, осуден терорист и трговци со оружје.
• Француско-либанскиот бизнисмен Зијад Такиедин (75), кој беше еден од ко-обвинетите но и клучен сведок во случајот, починал завчера од срцев удар во Бејрут два дена пред да биде објавена пресудата. Такиедин тврдеше дека по налог од Гадафи лично му испорачал на Саркози куфери со вкупно 5 милиони евра во кеш. Подоцна ја повлече изјавата и ја негираше, поради што беше отворена посебна истрага за сомневањата дека Саркози и првата дама Карла Бруни извршиле влијание врз сведоци. Овој процес е во тек.
• Лани во февруари Саркози доби условна затворска казна во врска со обвинување за корупција и злоупотреба на влијанието. Три месеци носеше електронска алка за да му се следи движењето. Во друг случај беше осуден на една година затвор поради нелегално финансирање на кампањата за реизбор во 2012 година – потрошил двојно повеќе од дозволеното. Казната подоцна му беше намалена на шест месеци затвор и шест месеци условно, но Саркози нема да биде зад решетки додека се разгледува неговата жалба.

Eski Fransa Cumhurbaşkanı Nicolas Sarkozy, yolsuzluk dahil dört farklı suçtan yargılandığı "Libya davası"nda suç örgütü kurmaktan mahkum edildi. pic.twitter.com/L5FYBQJSn9

— Nefes Gazetesi (@nefesgazete) September 25, 2025