Американските федерални власти повеќе не препорачуваат и нема да финансираат хормонски процедури и операции за „потврдување на пол“ кај деца, вклучувајќи вагинопластика или операции за создавање вагини кај мажи и блокатори на пубертетот.
„Процедурите за отфрлање на полот кај деца не се ниту безбедни ниту ефикасни како метод на лекување за родова дисфорија или сродни нарушувања кај малолетници и не ги исполнуваат професионалните стандарди за здравствена заштита“, изјави министерот за здравство Роберт Ф. Кенеди Јуниор.
Тој посочи на извештај од Министерството дека многу од овие процедури го зголемуваат ризикот неплодност и губење на густината на коските. Како алтернатива, во извештајот се препорачува психотерапија.
На болниците вклучени во програмите Медикер и Медикејд ќе им биде забрането да ги извршуваат процедурите, а другите здравствени установи нема да добиваат финансиска поддршка од федералните власти.
„Нема да дозволиме парите на даночните обврзници да се трошат за да им наштетат на овие деца“, изјави администраторот на Медикер и Медикејд, д-р Мехмет Оз. Тој истакна податоци од 2022 година дека вагинопластиката чини околу 60.000 долари, а процедурата за конструирање на пенис чини 148.540 долари.
Почина театарската, филмска и телевизиска глумица Ленче Делова, соопшти Драмски театар, нејзината матична куќа. Имаше 77 години.
Нејзиниот талент, сценска присутност и човечка топлина оставија неизбришлива трага на сцената и во срцата на публиката. Со секоја улога таа внесуваше искреност, емоција и посветеност, градејќи ликови кои долго ќе се паметат. Нејзината насмевка и ведриот дух беа светлина зад сцената, а нејзината професионалност пример за генерации актери, напишаа колегите.
Делова играла во 60-тина претстави во Драмски театар, а глумеше и во над 30 филмови.
Луѓето кои користеле канабис во која било фаза од својот живот имаат поголеми волумени во мозочните региони поврзани со меморијата, учењето и извршните функции.
Користејќи податоци од над 25.000 луѓе на возраст меѓу 40 и 77 години, истражувачи откриле дека умерената употреба на канабис во текот на животот е во корелација со зголемување на големината на четири битни региони во мозокот - хипокампусот, амигдалата, каудатното јадро и и путаменот.
Со оглед на тоа што овие мозочни региони се поврзани со клучни атрибути како што се емоциите, моторната контрола и меморијата, истражувачите решиле да истражат како употребата на канабис влијае врз когнитивната кондиција од средината на животот па понатаму.
Испитувајќи податоци од 16.728 лица, уште еднаш потврдиле дека умерената употреба е поврзана со подобри перформанси во задачи што вклучуваат учење, брзина на обработка на податоци и краткорочна меморија.
Неодамна во Македонија беа запленети 40 тони марихуана. Знаете ли колку мозочен волумен може да добие колективниот ум на Македонецот кој во свeтски споредби и онака кубури со IQ?
