- Американската морнарица од денеска ќе им помага на бродовите од неутрални странски земји да преминат низ Ормускиот теснец, но нема да ги придружува, објави претседателот Доналд Трамп.
- „Проектот Слобода“, најавен како „хуманитарен“, опфаќа само навигациско водење на бродовите, а не и воена придружба или расчистување на мини во теснецот.
- Американските сили ќе им обезбедат на комерцијалните бродови од трети земји „информации за најдобрите поморски линии“ и ќе бидат „во близина“ во случај ако треба да спречат ирански напад.
- „На многу од овие бродови снемува храна и залихи за екипажите, кои страдаат од здравствени и санитарни проблеми... Движењето на бродовите има за цел само да ослободи луѓе, компании и земји кои не направиле апсолутно ништо лошо - тие се жртви на околностите. Ова е хуманитарен гест во име на САД, земјите од Блискиот Исток, но особено на Иран“, порача Трамп.
- Американската администрација објави план за укинување на ограничувањата или нивно одложување на четири плус две соединенија од типот Пфас, познати како „вечни хемикалии“.
- Агенцијата за заштита на животната средина на САД пред две години постави законски ограничувања за шест од најопасните Пфас во водата за пиење. Овие хемикалии вклучуваат некои од најтоксичните супстанции и се поврзани со низа видови на рак и други сериозни здравствени проблеми.
- Новиот план на Трамп има за цел да ги поништи или одложи тие ограничувања иако застапниците на јавното здравје велат дека тоа би го довело здравјето на нацијата во опасност.
- Пфас се сеприсутни во животната средина и се проценува дека ја загадуваат водата за пиење за повеќе од 200 милиони луѓе низ САД.
- Володимир Зеленски го отфрли предлогот на германскиот канцелар Мерц за асоцијативно членство на Украина во Европската Унија, без да мора Киев да ги исполни строгите критериуми, но и да нема право на глас.
- „Не е фер Украина да биде присутна во ЕУ, а да остане без глас. Време е да се продолжи со членството на Украина на целосен и значаен начин“, напиша Зеленски во писмо до европските лидери.
- Тој додаде дека Украина дејствува како „бедем против руската агресија“ за целиот блок од 27 земји.
- „Ја браниме Европа – целосно, не делумно и не со полумерки. Украина заслужува фер пристап и еднакви права во рамките на Европа“, додава премиерот, чија влада е потресена од низа скандали за корупција.
- Европски функционери сметаат дека не е реално Украина да ги исполни условите за полноправно членство во следните неколку години. Пристапувањето бара и ратификација од сите 27 членки, што ја зголемува можноста за блокада или за развлекување на процесот.
