- Администрацијата на Доналд Трамп ја осуди Европа поради задушување на слободата на говор и строгите регулативи на социјалните мрежи и онлајн платформите.
- „Илјадници лица се прогонувани против критики на сопствените влади. Оваа орвелијанска порака нема да ги залаже САД. Цензурата не е слобода“, објави Стејт департментот.
- Слична порака пред неколку месеци на своите европски колеги директно им пренесе потпретседателот Џеј Ди Венс.
- Во постот на Икс не се наведуваат конкретни случаи, но се посочува на Законот за дигитални сервиси (ДСА) на ЕУ, за кој Вашингтон тврди дека „ги брани европските лидери од сопствените граѓани“.
- Американските технолошки гиганти Мета и Икс се соочени со тужби врз основа на ДСА. Брисел предупреди дека може да ги заостри регулативите како „нуклеарна опција“ во трговската војна со САД.
- Српската полиција синоќа приведе десетици лица и спречи напад врз „Пиоинирскиот камп“ на поддржувачи на Александар Вучиќ пред Народното собрание во Белград. Меѓу 37-те приведени лица е и поранешниот кошаркарски репрезентативец Владимир Штимац поради „поттикнување на насилство“.
- Десетици илјади граѓани вчера пристигнаа на платото пред Собранието за да ѝ изразат поддршка на Дијана Хрка, мајката на момче што загина при уривањето на настрешницата на железничката станица во Нови Сад пред една година. Таа почна штрајк со глад, поради тоа што властите избегнуваат одговорност за смртта на нејзиниот син и на уште 15 луѓе при трагедијата.
- Група демонстранти ги нападнале симпатизерите на Вучиќ што кампуваат пред Собранието. Фрлале камења, шишиња и пиротехника и запалиле еден шатор.
- Поранешниот претседател Борис Тадиќ ги повика граѓаните на Србија да ѝ изразат поддршка на мајката што штрајкува со глад и секоја вечер да протестираат во Белград. Оние што не можат да дојдат, ги повика да организираат протести во своите места: „Сите на улица!“. Претседателката на собранието Ана Брнабиќ го обвини Тадиќ дека повикува на насилства и граѓанска војна.
