- Трошоците на САД за војната во Иран достигнале 37,5 милијарди долари, изјави министерот за одбрана Пит Хегсет во сведочење пред Конгресот. Тоа се над 260 милиони долари на ден, откако војната почна на 28 февруари.
- Извори на CBS укажуваат дека цената на војната е всушност многу повисока, бидејќи во сумата што ја спомнал Хегсет не е вклучена штетата што иранските ракети ја предизвикале врз американските воени бази во регионот.
- Администрацијата на Трамп побара од Конгресот дополнителен фонд од 67 милијарди долари за покривање на трошоците од војната и за обнова на клучните воени залихи. Ова вклучува и 21 милијарда долари за борбена готовност и замена на воената опрема.
- На прашањата дали САД ги исполниле целите на војната и попрецизно дали го спречиле Иран да ја обнови својата нуклеарна програма, Хегсет призна дека „некои ирански балистички проектили ги преживеале бомбардирањата затоа што биле префрлени во длабоки бункери“.
- Претседателот Володимир Зеленски го разреши главниот командант на воените сили Олександар Сирски и на негово место назначи помлад генерал, почитуван меѓу воените сили и ценет од јавноста.
- Илјадници Украинци неколку дена протестираа поради одлуката на Зеленски да го разреши популарниот министер за одбрана Михајло Федоров (35), чии обиди да ја реформира војската и да наметне примена на современи технологии го судрија со „старата советска школа“ на 60-годишниот Сирски. Зеленски сега најави дека ќе го задржи Федоров во владата, но на друга позиција.
- Нов командант на воените сили е Мијално Драпати, 43-годишен генерал кој е близок до Федоров и има борбено искуство уште од 2014 година. Украинскиот портал Бабел го опишува како еден од најспособните украински команданти на бојното поле.
- Тој најави дека ќе ја продолжи автоматизацијата на одбраната на фронтот и тактиката на напади со дронови длабоко на руска територија.
- По 30 дена затворски притвор добија тројца осомничени – Арта Асани директорка на ЈП „Комуналец“ – Гостивар и раководителите Леон Уредини и Вадедин Дервиши, одлучи судијата на претходна постапка Ќирко Михајлоски од гостиварскиот суд.
- Обвинителството ги товари Асани, Уредини и Дервиши за кривично дело „тешки дела против животната средина и природата“ за кое казната е од четири до максимални 20 години затвор.
- Во едно деноноќие во гостиварската болница биле прегледани нови 198 пациенти, информира директорот на болницата, Емри Бајрами. Поради здравствената состојба во која се наоѓа, еден од пациентите е упатен на Инфективната клиника во Скопје.
- Владата донесе одлука за прогласување на 30 дневна кризна состојба во Гостивар.
