Вести › Набрзинка

Русковска поднесе обвинение против Рашковски

8 октомври 2021

Обвинението е против Рашковски и уште шестмина други, а е за набавката на софтвер за сообраќајни прекршоци и за биометриска идентификација на гласачи
Рашковски тврдеше дека софтверот бил потребен на МВР, МВР тврдеше дека ниту некогаш побарале, ниту некогаш планираат да го користат софтверот.
Заев, неколкупати изјавуваше дека лично се уверил дека набавката е законита, бидејќи како би била незаконита ако Владата веќе ја спровела, дополнувајќи и дека за случајов не и верува на Русковска.
Обвинителството за гонење организиран криминал се интересира и за обвинувањата за манипулации со софтверот за полагање државни испити, исто така склучен од Рашковски.

извор

Почина убиецот од Краков

9 ноември 2026

Михал Оксињски, 24-годишниот Полјак осомничен за убиство на шест лица во Краков во саботата, денеска почина во болница по три неуспешни хируршки операции.
Пукајќи од возило во движење, Оксињски смртно застрела шест лица – четворица Полјаци, Британец и Австријка, и рани уште 15, вклучувајќи петмина странци. Беше ранет по бркотница и престрелка со полицијата.
Обвинителството смета дека Оксињски е одговорен и за убиството на своите родители и 21-годишната сестра. Нивните тела со прострелни рани беа откриени во семејниот дом во градот Островјец Свјентокшиски.
Во автомобилот на напаѓачот биле пронајдени две пушки, два пиштоли и околу 500 парчиња муниција. При нападот испукал „десетици, а можеби дури и неколку стотици“ куршуми.
Од март годинава имал дозвола за носење огнено оружје и посетувал стрелачки клуб заедно со својот татко, но немал криминално досие и не ѝ бил познат на полицијата.
„Засега немаме доволно информации за да утврдиме мотив“, изјави портпаролот на Националното обвинителство, Пшемислав Новак.

извор

Братот на Виктор Орбан приведен поради шверцување луѓе

9 ноември 2026

Арон Орбан, братот на поранешниот унгарски премиер Виктор Орбан, е приведен под сомнение за шверцување луѓе.
Канцеларијата за заштита на имот и Националното биро за истраги објавија дека извршиле координирани рации и претреси во Будимпешта во случај против криминална група која обезбедувала дозволи за престој во Унгарија врз лажни основи на вработување.
Според неофицијални извештаи на локални медиуми, компанијата на Арон Орбан запишувала виетнамски државјани на дводневни курсеви за прва помош на Универзитетот во Печ, што им овозможувало полесно да добијат шенген-визи.
„Целта на оваа валкана игра е да се елиминира политичкиот противник и да се изгради еднопартиски систем. Јас сум целта, а мојот брат е само средство за постигнување на целта“, порача на Фејсбук поранешниот премиер Виктор Орбан.

извор