Вести › Набрзинка

Русија ги затвори железничките премини кон Финска, Естонија и Летонија

1 јули 2026

Русија ненадејно ги затвори сите железнички гранични премини кон Финска, Естонија и Летонија. Пет премини се кон Финска, а по еден кон Естонија и Летонија.
Министерството за надворешни работи не ја објасни причината за затворањето на премините, но истакна дека мерката стапува на сила веднаш и дека се известени соседните држави.

Финска ја затвори својата граница со Русија во декември 2023 година, откако ја обвини Москва дека намерно пренасочува мигранти кон граничните премини. Сепак, железничкиот премин кај Ваиникала остана отворен за прекуграничен товарен сообраќај.
Летонија и Естонија неодамна почнаа да поставуваат бетонски противтенковски бариери по должината на границата со Русија, како дел од заедничкиот проект за Балтичка одбранбена линија.

17 август 2026

15 август 2026

Турскиот претседател Реџеп Таип Ердоган оцени дека ЕУ не е подготвена да ја прифати Турција и дека како резултат на тоа, губитник ќе биде Европа.
Турскиот претседател рече дека добил ветување од американскиот претседател Доналд Трамп во врска со враќањето на Турција во програмата за воени авиони Ф-35 и чека да биде исполнето.
Турција беше исклучена од мултинационалната програма Ф-35 во 2019 година откако го купи рускиот систем за воздушна одбрана С-400, за кој Вашингтон рече дека може да ги компромитира невидливите авиони.
Ердоган рече дека Египет би можел да се приклучи на договорот за одбрана што неодамна го потпишаа Турција, Саудиска Арабија и Пакистан, и дека други земји би можеле да се приклучат на него (види: Истокот се прераспоредува).