Вести › Набрзинка

Русија бара право на вето за гаранциите за Украина

20 август 2025

Русија би се согласила со западните безбедносни гаранции за Украина само ако Кремљ добие право да ги блокира со вето, изјави министерот за надворешни работи Сергеј Лавров.
„Секој обид да се засили безбедноста на Украина во кој не е вклучена Москва не води никаде и нема да функционира“, изјави Лавров.
Како прифатлив пример тој го посочи Рамковниот договор од Истанбул во 2022 година. Во нацрт-документот беше наведено дека Украина ќе добие гаранции од група земји, вклучувајќи ги и петте постојани членки на Советот за безбедност на ОН - САД, Русија, Кина, Британија и Франција. Киев го отфрли документот поради „правото на вето на Русија за националната безбедност на Украина“.
За да прифати мир со Русија, западните сојузници ѝ понудија безбедносни гаранции на Украина. САД најавија воздушна поддршка, а десет европски земји изразија спремност да испратат трупи што ќе го гарантираат мирот.
Кремљ категорично отфрла какво било присуство на трупи од членки на НАТО на територијата на Украина, веднаш до границите на Русија.

извор

Флорида забрани социологија на државните универзитети

3 април 2026

Образовните власти во Флорида им забранија на јавните универзитети да вклучуваат курсеви по социологија, како дел од мерките на гувернерот Рон ДеСантис против актуелниот модел на образование во оваа федерална држава.
Потегот е реакција на гневот и отпорот од страна на професорите по социологија и синдикатите на факултетите во врска со новите учебници, опишани како „навреда на академската слобода“ и „осиромашена верзија на науката“.
Властите ја гледаат социологијата како научна маска зад која се кријат идеолошки и родови агенди. Еден од ректорите на јавен универзитет од Фллорида изјави: „Ние не ја убивме социологијата, таа изврши самоубиство.“

извор

Руски милијардер најде решение за економијата: да се работи 6 дена по 12 часа

2 април 2026

Додека земјата се справува со длабока економска промена, Русите треба да размислат да работат по 12 часа дневно, шест дена во неделата, предлага рускиот милијардер Олег Дерипаска.
Рускиот крал на алуминиумот смета дека рускиот народ треба да се потпре на својот главен национален ресурс - во тешки моменти да се здружи и да запне.
„Колку побрзо се префрлиме на ова ново работно време - од 8 часот наутро до 20 часот навечер, вклучувајќи ги и саботите - толку побрзо ќе ја завршиме неопходната трансформација“, напиша индустрискиот магнат.
Олег Дерипаска има 58 години, сопственик е на алуминиумскиот гигант “Русал” и неговото богатство пред инвазијата се проценуваше на 3,8 милијарди, подоцна падна на 1,7 милијарди милијарди долари. Кога беше најјак, имаше 28 милијарди.

извор