Вести › Набрзинка

Родителите на малолетниот убиец од Белград осудени на 14,5 и 3 години затвор

31 декември 2024

Таткото на Коста е осуден поради несоодветно чување на оружјето во својот стан а заедно со Миљана, прогласени се за виновни и за кривичното дело, злоставување и занемарување на малолетно дете.
Обвинетиот Владимир Кецманови е осуден на единствена затворска казна од 14 години и 6 месеци а Миљана Кецмановиќ на затвор во траење од 3 години. Инструкторот по стрелаштво, поради лажно сведочење, доби 1 година и 3 месеци.
„Нема казна што ќе èе помири во овој живот“, велат ужалените од масовното убиство во белградското училиште.
Кецмановиќ имаат и друго дете, малолетна ќерка. На безбедно е, но никој не знае каде е и што ќе биде со неа сега, кога родителите се пратени во затвор.

извор

Трамп нè пеплоса, нафтата пак отиде над стотка

9 септември 2026

За првпат после јули, цената на нафтата отиде преку психолошката граница од 100 долари за барел.
Цената ја следеше ескалацијата на односите меѓу САД и Иран. Американците се пофалија дека уништиле пет ирански танкери за нафта, овие возвратија со напади врз американскиот сојузник Јордан и советуваа танкерите во Кувајт и Бахреин да се евакуираат.
Европскиот STOXX 600 падна околу 0,7%, а во минус беа и германскиот, францускиот и британскиот индекс. Но, најголема опасност е инфлацијата.
Пред војната, нафтата беше околу 70 долари за барел.

извор

Мицкоски: Сите настани поврзани со прославата на 8. Септември, граѓаните и Буџетот ги чинеа нула денари

9 септември 2026

„Имам лоша вест за сите оние кои шпекулираа, негодуваа, клеветеа, пласираа лажни информации, а молчев. Не сакав да зборувам затоа што оставав сето тоа што претставуваше навистина посебен момент за градовите низ земјава да биде посебен момент и за граѓаните во тие градови. Имаше таков настан и тука, во Штип. Лошата вест е дека буџетот сите овие настани го чинат нула денари. И граѓаните и буџетот сите овие настани ги чинат нула денари“, рекол премиерот во Штип.
Нагласил дека сето ова што го говори може слободно да се провери на „Отворени финансии“ и нагласи дека сè било организирано од општествено одговорни компании.
„Жалам што кај поединци работи Фројд, што мислат како тие би правеле, па мислат дека и некој друг така прави. Но, ова е домаќинска Влада. Ова е Влада промакедонска, која се грижи за граѓаните, пронародна, и секој денар, секој денар буџетски средства се троши на транспарентен начин“, пренесува Фокус.

извор