Вести › Набрзинка

Рамбл на Крис Павловски склучи договор со Антропик од речиси 14 милијарди долари

18 септември 2026

Акциите на Rumble Inc. уште на почетокот на неделава скокнаа за 27% откако склучи договор со компанијата за вештачка интелигенција Антропик.
Договорот е за шест години и вреди 13,7 милијарди долари.
Според договорот, инвеститорот на Клод би изнајмил капацитет во центар за податоци во изградба во Мејсвил, Џорџија. Изградбата и опремувањето на тој објект со серверски чипови би можело да чини повеќе од 10 милијарди долари.

извор

ЕСМ: Милионски договори за осигурување, милионски провизии за посредници

18 септември 2026

Се работи за серија договори за осигурување меѓу ЕСМ и Македонија осигурување, кои чинат 5 милиони евра за две години. Откако ќе се потпишел тој генерален договор, потоа следувало потпишувањето на повеќе полиси за осигурување на имотот на ЕСМ. Носители на тие полиси секогаш биле агенти-брокери и друштва за застапување во осигурувањето.
„Наведувањето на агент-брокер и друштво за застапување во осигурување во полисите предизвикува дилема во однос на нивното вклучување во вкупниот износ на премијата, што укажува на сомневања за неосновано користење на јавните средства и намалена транспарентност во постапките за осигурување“, пишува во последниот извештај на ревизорите.
Во јануари годинава, актуелниот генерален директор на ЕСМ Лазар Узунчев поднесе кривична пријава за овие случаи, а на 30 март е поднесено и дополнување на кривичната пријава. МКД.мк добиле информација дека случајот е во предистрага, кај обвинителката Марија Секуловска Велковска.
Од наодите во последниот извештај на Државниот завод за ревизија (ДЗР) може да се заклучи дека во периодот од 2022 година до септември 2024 година се работело главно на уништување на компанијата. Овој извештај претставува само површна слика на криминалното и систематско, свесно уништување на енергетскиот гигант под претходното раководство, велат изворите на порталот.
И претходниот ревизорски наод, од 2017 до 2022 година, е обвиен во институционален молк и отсуство на одговорност. Основното јавно обвинителство (ОЈО) и за тој извештај до ден-денес нема иницирано ниту една кривична пријава.

извор

Нов вид мачка откриен во Боливија

18 септември 2026

Нов вид дива мачка откриена во дождовните шуми на Боливија.
Светло-кафеава е, со шарки и помала од домашните мачки, со тежина од околу 1,4 килограми.
Повеќе од еден век не откриена и класифицирана нова мачка.

извор