- Најголемиот европски хотелски оператор, кој управува со стотици објекти низ целиот континент, прогласи несолвентност.
- Revo Hospitality Group, порано позната како HR Group, има портфолио од над 260 хотели кои работат во 12 европски земји и 146 градови.
- Групацијата беше основана во 2008 година, работеше со големи франшизни брендови, вклучувајќи ги Hilton, Marriott, Accor, Wyndham и IHG. Revo Hospitality Group а управуваа и со свои сопствени брендови, како што се Vagabond Club, Hyperion и Aedenlife.
- Ова ќе засегне околу 140 компании во рамките на групацијата, но нема да има промени во однос на 125-те хотели во Австрија и Германија.
- Групацијата објасни дека „економската криза“ била главниот катализатор на проблемите.
- Володимир Зеленски изјави дека би прифатил мировен договор кој би го потврдил разграничување на Украина и Русија по сегашната линија на фронтот.
- Тој потврдно одговори на прашањето од водителот на Фокс њуз, Брајан Килмид, „дали би се согласил на мировен договор со кој би се замрзнал статус квото, при што Украина би задржала најмалку 75% од својата територија?“.
- „Во моментов треба да ја замрзнеме ситуацијата и сметам дека тоа е вистинскиот пат кон завршување на оваа војна. Ние тоа го нарекуваме прекин на огнот“, рече Зеленски.
- Ако ова е прифатливо и за Русија, Киев би преговарал за безбедносни гаранции од САД и европските сојузници.
- Зеленски ова го изјави по средбата во Осло со американскиот мировен пратеник Стив Виткоф, кој продолжи во Москва за да му го претстави новиот американски мировен план на рускиот претседател Путин.
- Претходно Зеленски изјави дека Украина „не ја губи војната“, туку „губи луѓе, време, децата растат во воени услови...“ и затоа војната мора да заврши што е можно поскоро.
