Вести › Набрзинка

Промовирана книгата „Македонија е сè што немаме“ од Билјана Ванковска

26 мај 2022

Во книгата се собрани 149 колумни на Ванковска објавувани од 2010 година во весникот „Нова Македонија“.
Промоторите беа едногласни во оценката дека оваа збирка есеи даваат прецизна слика за можеби најтешкиот период на македонската историја, период кога се направени непростиви историски грешки со Охридскиот рамковен договор, со Преспанскиот договор... период кога сме сведоци на едно срамно самоуништување.
Според нив, оваа книга дава извонредна слика за трагедијата на македонскиот народ, за настаните кои нѐ доведоа до ова дереџе. Се надеваат дека македонскиот народ од сето ова што се случува ја научил болната историска лекција и дека доаѓа времето на нова македонска пролет, на нов АСНОМ.

извор

Андоновски: Поштата наречена копнеж или за достапноста

10 ноември 2025

Достапноста ќе нè убие. Достапно ни е сè: ене цигари на трафикана за сите, ене го мобилниот со кој го слушам брат ми од Америка кога сакам (дури и гледам каде е во моментот и што прави). Достапни ми се сите брендови на патики и фармерки, онде се зад аголот, во „Сити мол“ или во „Ист гејт“.
Кога сè е достапно, се смалува копнежот по она што го посакуваш. Гасне желбата. А убавината на животот е во копнежот. Убавината е токму во одлагање на задоволството, во одлагање на задоволување на желбата.
Секое ИНСТАНТНО (one click) задоволување на желбите го уништува уживањето, кое доаѓа од чекањето. Да, иако звучи апсурдно, така е – колку подолго го чекаш она по што копнееш, толку посилно ќе биде задоволството кога ќе го добиеш. Ние веќе не знаеме ништо да цениме, по ништо да копнееме, дури и не знаеме што значи да „гориш од желба“ по нешто, зашто ДОСТАПНОСТА на сите нешта инстантно ни ги задоволува сите желби.

извор

Поразите носат кавги: Фрчкоски - Пендаровски

10 ноември 2025

Љубомир Фрчковски го обвини Стево Пендаровски, дека „мешетари внатре во СДСМ“. – Ме чуди тоа што мешетари Стево Пендаровски. Нема потреба од тоа. А мешетари без везе…, рекол Фрчкоски кај Васко Ефтов.
Пендаровски му одговори: „Никогаш не сум мешетарел, тоа го прават други кои се занимаваат со кафеанско озборување. Изјавата е целосно одлепена од реалноста и фактите, што, за жал, се случува поради ‘квалитетот’ на изворите со кои некои луѓе се дружат“, додаде Пендаровски.