Охридскиот договор беше неопходен. Но тука требаше да се застане. Преспанскиот договор е чекор назад од тоа. Сериозен чекор назад. Премногу ѝ се даде на Грција. Се понижија луѓето во Македонија.
Многу македонски влади мислеа дека со доброто однесување ќе бидат наградени. Но доброто однесување секогаш носеше сѐ поголеми и поголеми понижувања.
Преспанскиот договор е најлошото нешто. Овој договор ја институционализира Македонија како земја од втора категорија.
Албанците се важни за Македонија, нивниот придонес за оваа земја е значаен, но тие мора да знаат дека тие тука се малцинство со 25 отсто од населението. Тие се малцинска заедница во Македонија, нивната култура е малцинска, и тие тоа треба да го сфатат. Нивното сегашно раководство тоа треба да го сфати.
Со задоволство им дозволивме и на Хрватска, и на Босна и Херцеговина и на Косово да се отцепат и сега немаме морално право тоа да го спречиме за Доњецк. Ако сакаат да се отцепат, тие го имаат тоа право. Македонија треба да изгради нормални односи со Русија за да ги искористи сите бенефиции.
Министерството за здравство отвори нов систем за евиденција на операциите во сите јавни здравствени установи во земјава, со кој очекува да се воведе ред и да се намали бројот на операции преку врски.
„Листата на закажани операции од денес е јавно достапна и пациентите ќе имаат увид колку луѓе за операција има пред нив во секоја болница и кај секој хирург“, изјави министерот Азир Алиу. Порталот може да се отвори тука.
Лекарите досега имаа обврска операциите да ги евидентираат во системот Мој термин со издавање упат за операција, но анализата на состојбата во 2025 година покажала дека во системот биле внесени 34.862 операции помалку отколку што направиле болниците.
Упатите не биле издавани веднаш при утврдување на потребата за операција туку пред самата интервенција, некои болници и лекари користеле друг тип на упат, лекари воделе листи во хартиена форма и листите на чекање не биле редовно прочистувани. Тоа создава неточна перцепција за времето на чекање на пациентите.
Алиу очекува со новиот систем значително да се намали бројот на операции со врски. „Со ова ќе може да се намали, не сум сигурен дека ќе може да се отстрани целосно, практиката ‘знам некого па ќе одам пред листата на чекање’... Ова ни беше многу битно и мора да почнеме од некаде“, изјави министерот Алиу.
Во швајцарската банка Credit Suisse се откриени 890 тајни сметки поврзани со нацистичкиот режим на Адолф Хитлер од времето на Втората светска војна.
Меѓу сопствениците се германското Министерство за надворешни работи, озлогласените паравоени единици СС и компанија за производство на оружје.
Истрагата ја водел американскиот адвокат Нил Барофски, ангажиран од банката УБС, која ја купи Credit Suisse во 2023 година. Тој не наведе вкупна ниту поединечна сума пари што се чуваат на сметките.
Барофски забележува дека банката била поврзана со шема што им помагала на нацисти да избегаат во Аргентина за да избегнат одмазда или суд за воени злосторства. И аргентинските власти користеле сметка во банката во сума од денешни 17 милиони швајцарски франци заради давање мито на европски службеници.
