Вести › Набрзинка

Ласкарци: Најголема казна (14 години) за возачот, најмала (4) за газдата

25 јануари 2024

Вкупно 39 години добија обвинетите во случајот „Ласкарци“ за автобуската несреќа што се случи во 2019 година во која животот го загубија 16 патници, а над 30 беа повредени.
На Дурмиш Белули, сопственик на компанијата „Дурмо турс“ му е изречена казна затвор од четири години, на одговорниот за транспорт во фирмата, Ремзи Мифтари затвор од шест години, а тројцата вработени во станицата за технички преглед, Игор Ѓорѓиевски, Горан Дуковски и Јане Боваровски, кои се товарат за соучество во истото дело, добија по пет години.
Најголема казна од 14 години затвор доби возачот на автобусот, Маноил Трифуновски кој бил свесен дека управува неисправно возило.
Родителите на загинатите не се задоволни од пресудите, очекувале максимални казни.

извор

„Мајчински“ солзи за владиката на „Православната црква на Северна Македонија“

27 ноември 2024

Бугарскиот патријарх Даниил испрати писмено сочувство по повод смртта на митрополитот Дебарско-кичевски Тимотеј.
Сочувството и испратено до „Неговото блаженство, северно-македонскиот архиепископ Стефан“.
„В тези тежки за Вас и за цялата Православна църква на Северна Македония часове изказваме нашите искрени съболезнования за временната раздяла с упокоения наш събрат!“, ќе напише Даниил.

извор

Животот победува: Скопјанка родила на 61 година

26 ноември 2024

После 37 години во брак во кои имала тешко гинеколошко и акушерско минато, со 10 инвитра зад себе и 10 спонтани абортуси, пациентка од Скопје на свет го донесе бебето Петар.
Целата бременост ѝ била следена во државава, а породувањето било извршено со царски рез во 36. гестациска недела. Oстанала бремена со ин витро третман извршен во земјава со сопствена јајце-клетка која била криопрезервирана, односно замрзната.
„Овие родители не потклекнале на неуспесите, не потклекнале на притисоците од околината и на стереотипите и предрасудите со коишто живееме. Затоа на Петар и на неговите родители им посакувам да имаат многу прекрасни моменти и уште долго да уживаат во прекрасни семејни моменти“, рече директорката на Универзитетската клиника за гинекологија и акушерство, Ирена Алексиоска-Папастиев.
Петар е роден со тежина од два килограми и 350 грама и должина од 48 сантиметри.

извор