Вести › Набрзинка

Пратеничка што гласаше за ,,Преспанскиот” се расплака во емисија

29 јуни 2022

Екс пратеничката и лидерка на ДОМ Лилјана Поповска се расплакалa во „Заспиј ако можеш“. Таа беше беше една од 80 пратеници кои гласаа Македонија да си го смени името.
Поповска вели дека цел живот ќе ја носи дамката за тоа што гласале за промена на името но дека е сигурна дека еден ден Северна ќе биде исфрлена од употреба и ќе остане само Македонија.
Притоа понуди еден од најглупите алибија кои сме ги чуле да гласаш за да си го смениш името: закон за рудници кој го ставиле на гласање пред гласањето за уставните промени.
Поповска и нејзиниот татко минуваа низ семејна драма откако се најдоа на различни страни во битката за името: таа по паметот на Зоран Заев а академик Блаже Ристовски остана на ставовите на кои можете да се потсетите во статијата:
„Како ова на сите им беше толку јасно... до вчера?“

извор

Медведев им фаќа сеир на Трамп и Маск

6 јуни 2025

Јако тролање дојде од рускиот државник Дмитриј Медведев на кавгата на која цел свет фаќа сеир: онаа меѓу довчерашните „браќа и соборци“, Доналд Трамп и Илон Маск.
„Подготвени сме да го олесниме склучувањето на мировен договор меѓу Д. и И. за разумна цена и да прифатиме акции на Старлинк како метод на плаќање“, порача тој.
„Не се карајте дечки“, ги советуваше Трамп и Маск заменик претседателор на Советот за безбедност на Руската Федерација.
Друг руски политичар (Дмитриј Новиков, заменик претседател на комитетот за надворешна политика на руската Дума) великодушно му понуди на Маск политички азил, ако му треба.

извор

Русија возврати на „Пајажина“ со бомби врз Киев

6 јуни 2025

Русија го бомбардираше Киев со 407 дронови и 45 проектили, како одговор на украинската операција „Пајажина“ во која беа уништени или оштетени неколку десетици руски бомбардери во четири бази далеку од фронтот.
Во Киев загинале тројца пожарникари што извлекувале луѓе од станбени згради додека нападот сè уште траел. Ранети биле 20 луѓе во Киев и уште 29 во други градови.
За лансирање на проектилите Русија користела два бомбардери ТУ-95 и два ТУ-160, значително помалку во споредба со претходните напади.
Претседателот Владимир Путин во телефонски разговор го известил американскиот Доналд Трамп дека Москва ќе одговори на украинската операција против руските бомбардери, која е оценета како „терористички напад“.
„Тие влегоа длабоко во Русија и Путин ми кажа дека немаат избор освен да возвратат... Можеби би било добро Украина и Русија уште малку да се борат отколку итно да преговараат за мир“, изјави Трамп.

извор