Вести › Набрзинка

Последните пет години кај нас биле украдени 5.200 точаци

7 април 2023

На секои 100 украдени точаци полицијата во Скопје наоѓа само 5.
Ако просечна цена на украдените точаци во Скопје е 200 евра, штетата изнесува околу 600.000 евра.
Продавници со украдени точаци постојат со години, имаат и свои Фејсбук профили и онлајн-продавници и јасно е дека тие не се предмет на интерес на институциите.

17 септември 2025

Американското обвинителство потврди дека ќе бара смртна казна за 22 годишниот обвинет за убиството на конзервативниот активист Чарли Кирк.
Случајот против Тајлер Робинсон има седум точки. Иако се насетуваше, мотивот станува сè појасен: Тајлер на своите дома им рекол дека во Кирк имало „премногу омраза.“
Тој убиството го има признато во порака до својот цимер со кој бил во љубовна врска, транс дечко кој почнал да транзитира кон жена.
Динеш Д Соуза има ваква теорија: Тајлер Робинсон најверојатно е геј, но бидејќи тоа не не лесно да се признае во конзервативна средина во каква е растен, влегува во однос со транс-лице кое сака да биде жена, што таквата врска - во неговите очи - ја прави „хетеросексуална.“

17 септември 2025

Четири лица се уапсени поради проектирање фотографии на Доналд Трамп со педофилот Џефри Епстин врз кралскиот замок Виндзор, пред синоќа таму да пристигне американскиот претседател.
Снимките на Трамп, британскиот принц Едвард, на Епстин и на малолетни жртви на неговиот синџир за проституција биле проектирани врз кула на замокот пред да пристигне Трамп. Било истакнато и големо платно со фотографија на Трамп и Епстин заедно. Пред замокот демонстрирале 70-ина луѓе.

Американскиот претседател придружуван од првата дама Меланија денеска во замокот официјално ќе бидат пречекани од кралот Чарлс и кралицата Камила. Во чест на Трамп ќе маршираат 1.300 британски гардисти, а 120 коњаници ќе ја придружуваат кочијата со која американскиот претседател ќе го обиколи кралскиот имот.
Трамп утре ќе се сретне со премиерот Кир Стармер во неовата резиденција Чекерс. Се очекува во рамките на посетата да бидат потпишани договори за американски инвестиции од најмалку 42 милијарди долари во проекти за нуклеарна енергија, квантни компјутери и вештачка интелигенција.