- На 79 години почина истакнатиот македонски продуцент Панче (Панта) Мижимаков, соопшти Друштвото на филмски работници на Македонија.
- Панта студирал на Академијата за театар, филм, радио и ТВ во Белград. Често работел на копродукциите и странските продукции кои се реализираат во Македонија и Југославија. Во „Вардар филм“ соработувал на поголем број играни, документарни и кратки филмови.
- Бил продуцент и менаџер на продукција на филмовите како „Среќна Нова“, „Преку езерото“, „Џипси меџик“, „Миротворец“, „Татко (Колнати сме Ирина)“, „Најдолгиот пат“, „Исправи се Делфина“, „Црвениот коњ“ и „Тајната книга“. Во 2018 ја прими наградата Златен објектив на Кинотеката на Македонија за исклучителен придонес во македонската кинематографија.
- „Панта беше образован ерудит кој ја познаваше целата класична кинематографија и книжевност, а со љубопитство на дете гледаше нови филмови и читаше нови писатели. Панта беше човек на сите времиња, над времето и безвреме! Панта беше бониван, уметник пар екселанс, боемчиште и пред се добар човек, како што обично бидува таа работа, добар за сите, освен на себе си. Тврдам дека сеуште е единствен продуцент во Македонија кој читаше и знаеше да анализира сценарио како по учебник!“, напиша Јани Бојаџи.
- Министерството за правда на САД објави десетици илјади документи од дебелото досие за Џефри Епстин. Јавноста очекуваше дека ќе види докази за врски на претседателот Доналд Трамп со синџирот за елитна проституција, но тој е спомнат само неколку пати, во неутрален контекст.
- Ама, во објавените материјали има повеќе од 20 фотографии за поранешниот претседател Бил Клинтон - прикажан во џакузи, покрај девојки или како плива заедно со Гислен Максвел, партнерката на Епстин.
- Во обемната библиотека што може да се пребара тука, има и фотографии од британскиот принц Ендрју и од естрадни ѕвезди како Мајкл Џексон, Дајана Рос и Мик Џегер во друштво со Епстин. Нема објаснувања кога биле направени фотографиите и во каков контекст.
- Во документите се зацрнети имиња на повеќе од 1.200 девојки и други лица што се сметаат за жртви во синџирот за проституција. Во едно досие се зацрнети повеќе од 100 страници.
- Во архивите на Министерството има уште илјадници документи за Епстин, кои ќе бидат објавувани во фази, откако ќе бидат заштитени идентитетите на потенцијалните жртви.
- Американски авиони и хеликоптери вчера извршиле воздушни напади врз 70 цели на групата ИСИС во Сирија како одмазда за убиството на двајца американски војници и нивниот преведувач пред една недела близу Палмира.
- „Ова не е почеток на војна, туку одмазда. Под водство на претседателот Трамп, САД никогаш нема да се колебаат за одбрана на нашиот народ“, порача шефот на Пентагон, Пит Хегсет.
- Ова е прва голема интервенција на САД по затоплувањето на односите со привремениот сириски претседател Ахмад ал Шара, поранешен лидер на терористичка група по кого беше распишана американска потерница со награда од 10 милиони долари.
- Трамп синоќа ја повтори поддршката за Ал Шара и за сириските владини трупи, за кои оцени дека се „на страната на САД“ во борбата против тероризмот.
