- Мирно, во својот дом, опкружен со своите три деца, на 88 години почина прочуениот француски актер Ален Делон.
- Роден е во 1935 година во предградие на Париз, неговите родители се разведуваат кога имал само 4 години и даден е во згрижувачко семејство. Заради бунтовничко однесување исфрлен е од неколку училишта, на 14 години го напушта образованието и почнува да работи во месарница, подоцна 4 години служи како маринец во војската, од кои 11 месеци минал во војнички затвор заради недисциплина. На крај, го отпуштаат и од таму.
- Актерската кариера ја започнива во 1957 година и брзо станува еден од најпосакуваните глумци и мажи во француската и светска кинематографија. Го нарекуваа и францускиот Џемс Дин но и машка верзија на Брижит Бардо со која едно време беа во кратка врска.
- Последните години беше погоден од деменција и размислувал за еутаназија.
- Американскиот претседател Доналд Трамп ѝ се закани на ББЦ дека ќе бара отштета од 1 милијарда долари поради грубото извртување на вистината во врска со сечената и лепената монтажа на неговиот говор од 6 јануари 2021 година, со цел да се прикаже дека тој повикува на напад врз Капитол хил.
- Адвокатите на Трамп испратиле официјално писмо до ББЦ во кое бараат јавно извинување, „целосно и чесно“ повлекување на монтираната снимка и „соодветна“ отштета. „Во спротивно, претседателот нема да има избор, освен да го тужи британскиот јавен сервис поради предизвикување финансиска штета и повреда на репутацијата“, се наведува во писмото. ББЦ има рок да одговори на барањата до петок.
- Директорот на ББЦ Тим Дејви и главната уредничка Дебора Тарнес поднесоа оставки, а претседателот на корпорацијата Самир Шах објави официјално извинување поради „погрешната проценка“ при монтирањето на говорот на Трамп. Шах најави и лично извинување до Трамп, но категорично тврди дека нема систематска пристрасност во ББЦ и дека новинарите не се корумпирани.
- Во својот втор мандат Трамп им се закани на неколку американски медиуми со тужби за клевета. Тие ги решија споровите со вонсудски спогодби.
- Достапноста ќе нè убие. Достапно ни е сè: ене цигари на трафикана за сите, ене го мобилниот со кој го слушам брат ми од Америка кога сакам (дури и гледам каде е во моментот и што прави). Достапни ми се сите брендови на патики и фармерки, онде се зад аголот, во „Сити мол“ или во „Ист гејт“.
- Кога сè е достапно, се смалува копнежот по она што го посакуваш. Гасне желбата. А убавината на животот е во копнежот. Убавината е токму во одлагање на задоволството, во одлагање на задоволување на желбата.
- Секое ИНСТАНТНО (one click) задоволување на желбите го уништува уживањето, кое доаѓа од чекањето. Да, иако звучи апсурдно, така е – колку подолго го чекаш она по што копнееш, толку посилно ќе биде задоволството кога ќе го добиеш. Ние веќе не знаеме ништо да цениме, по ништо да копнееме, дури и не знаеме што значи да „гориш од желба“ по нешто, зашто ДОСТАПНОСТА на сите нешта инстантно ни ги задоволува сите желби.
