Вести › Набрзинка

По којпат слушате дека буџетот ќе биде развоен?

15 ноември 2021

„Ќе позајмуваме само за капитални проекти“, ветува Фатмир Бесими.
Дека не мислат сами да си го стегнат каишот ниту да намалат партиска администрација говори фактот што расходната страна е поголема од последниот буџет а планираат да соберат повеќе пари од годинава.
Се најавува изградба на автопатот од Коридорот 8, железничката пруга од Коридорот 10 и Коридорот 8 и други поими од филмот „Денот на мрморецот.“

1 февруари 2025

Според податоците на Управата за јавни приходи (УЈП), регистрираниот промет во осумте најголеми ланци на маркети во државата изнесувал 114,3 милиони денари, што е значителен пад од 46,59% во споредба претходниот петок.
Во однос на претходниот ден, падот на прометот изнесувал 46,29%.
Вториот бојкот во Хрватска даде послаби резултати од првиот но еден од големите ланци, Конзум, во меѓувреме реши да ги намали цените на 250 производи.

1 февруари 2025

Американскиот претседател потпиша три извршни укази за воведување „казнени“ царини за увезени стоки од Канада, Мексико и Кина.
Мексиканскиот и канадскиот увоз е оптоварен со 25% (освен за нафтата од Канада која ќе доаѓа со царина од 10%) а за Кина Трамп одреди царина од десет проценти.
Трамп се закани со давачки и за увозот од ЕУ бидејќи унијата не ја третирала добро неговата земја.
Американските давачки се поврзани со барањето Мексико и Канада да сторат нешто во своите земји и на своите граници за САД да не бидат преплавени со опасната дрога фентанил.
Ниските 10 проценти за канадските енергенси се толкуваат како стравување да не дојде до зголемување на цените на американскиот пазар.
Се очекува трите земји да возвратат со слични мерки за американски увоз.