Вести › Набрзинка

По 14 години Д Фестивал го напушта Дојран и оди во Штип

12 март 2025

„После години магични изгрејсонца, музика под ѕвездите и слобода на брегот на Дојран, време е за ново поглавје. Со срце полно љубов и почит, кажуваме огромно „Благодарам“ на прекрасните Дојран и дојранчани за сите незаборавни моменти, за гостопримството со кое својот град го направија местото каде што од 2011 година нашите соништа се спојуваа со реалноста“, велат организаторите на „Д Фестивал“.
„Ова лето, за јубилејната 15ка, нашиот фестивалски караван продолжува кон Штип – опкружени со планини и река, под Исарот е новата дестинација за најпозитивната фестивалска дружина, нов простор за магија и ново платно за испишување на највозбудливите фестивалски приказни. Нови хоризонти, истиот дух, уште повеќе љубов! Во единствената летна фестивалска авантура во Македонија, сонуваме заедно! И заедно го живееме сонот!“, потенцираат од „Пасворд продукција“, под чија капа се организацира фестот.
Речиси деценија ипол, Д Фестивал го брендираше Дојран како кул место со позитивни вибрации кое младите го маркираа како свој задолжителен пит-стоп во летниот период, иако локалните власти упорно го враќаа местото на нивните естетски и вредносни параметри, пукајќи пари на концерти на Цеца, Жаре Бербер, Раста, Адил...

извор

Манев го спомнал таткото на Вања под ќотек

12 март 2025

Велибор Манев сфатил дека се работи за девојче, кога го отвориле гепекот и Палевски ја распрашувал која е и кои ѝ се родители. „Јас и Кешишев бевме блиску до Палевски и му рековме ова е некоја грешка. Треба да ја пуштиме. Под маски сме и не нема никој видено да ја ослободиме. Палевски почна да кажува да прекинам, дека ништо не разбирам, дека се е таман. Сè било чисто. Нема што да се бере гајле,“ рече Велибор Манев.
„Се свртев да видам кај да ја ставиме, и тогаш Палевски му пријде на детето со пиштол, со перниче во рака, го испука куршумот преку перниче,“ раскажал Манев.
Палевски извадил лопата, ашов и копач од реното и им ги дал и наредил да ја ископаат дупката каде подоцна ќе го закопаат девојчето. Првично Палевски им ветил по 150 илјади евра за грабнување на жената. За потоа откако виделе дека е грабнато девојче им рекол дека сумата ќе биде помала.
Манев ја обвини полицијата за тортура, рече дека таткото на Вања, обвинетиот Александар, не бил инволвиран во киднапирањето, туку дека со ќотек му го изнудиле таквото признание инспекторите од Скопје.

извор

Обвинителството ја дрибла јавноста за Јахоски

12 март 2025

Судот и Обвинителството си ја префрлаат топката кој е одговорен што Јахоски, за разлика од другите осомничени за тендерите за мазут за ТЕЦ Неготино за кои обвинителството побара притвор, наместо во Шутка, заврши во домашен притвор.
Обвинителството вчера соопшти дека побарало притвор за Асмир Јахоски, но судот му определи домашен притвор. Судот синоќа информира дека Јавниот обвинител се согласил за промена на предлогот за определување мерка притвор со предлог за определување на мерка куќен притвор, што било прифатено од Судијата на претходна постапка. Обвинителството, пак, денеска вели тие барале притвор, но судот не прифатил.
Премиерот Христијан Мицкоски, без да го спомене по име, денеска алудираше дека улога одиграл токму шефот на обвинителството за гонење организиран криминал и корупција Ислам Абази.
Абази беше избран за шеф на обвинителството за гонење организиран криминал и корупција во 2022 година. Сомнежите за негова блискост со раководството на ДУИ ги подгреаја фотографиите на Абази со неговиот соселанец Али Ахмети од Зајас, како и со други функционери на ДУИ.
ОЈО ГОКК соопшти зошто не поднеле жалба: Јахоски бил старател на четири деца, имал оформени цврсти врски со државата, свој бизнис и нарушено здравје.

извор