- Глобалното стареење и дебелеење ќе го дуплира бројот на дијабетичари до 2050 година.
- На половина од актуелниот век на светов ќе има 1,3 милијарди дијабетичари (во 2021 имало 529 милиони).
- Најчест тип дијабетес (сега е 96%) ќе биде од типот 2, оној кој се поврзува со телесната тежина.
- Товарот ќе падне нерамномерно: во земји со средни и ниски примања, само 10% од пациентите добиваат соодветен третман за болеста.
- Околу 27 тони марихуана биле запленети во голема полициска акција спроведена во Скопје и во струмичкиот регион, според неофицијални извори. Ова би било најголемата заплена на дрога во историјата на државата.
- Акцијата ја спроведува МВР по насоки на Обвинителството за гонење организиран криминал и корупција, по повеќемесечна истрага за организирана криминална мрежа за нелегално производство и трговија со марихуана.
- Околу 10 тони марихуана биле складирани во кругот на поранешниот индустриски комплекс ОХИС во Скопје, каде што се наоѓа седиштето на компанијата „Алфафарм ДОО Скопје“.
- Компанијата била основана во 2023 година и е регистрирана за одгледување и преработка на лековити и ароматични растенија за фармацевтска употреба. Според податоците од Централниот регистар, фирмата располага со основна главнина од околу 529.000 евра, а сопственичката структура била менувана непосредно пред откривањето на дрога во Србија.
- При акција на српската полиција пред неколку дена во магацин близу Крушевац беа откриени 5 тони марихуана, за кои српските власти тврдат дека потекнуваат од Македонија.
- Германска државна агенција го казни американскиот гигант Амазон со 59 милиони евра поради прекршување на националните и европските правила за конкуренција.
- Федералната канцеларија за картели објасни дека употребата на алгоритми за влијание врз цените од страна на продавачите се спротивни на правилата против дигитална доминација.
- „Амазон се натпреварува директно со продавачите на пазарот и влијае на цените на своите конкуренти, вклучително и преку ограничувања на цените“, изјави Андреас Мунд, претседателот на Бундескартеламт.
- Амазон итно објави дека ќе се жали. Според регионалниот директор Роко Бројнигер, агенцијата го принудува Амазон да промовира неконкурентни цени за клиентите.
