- Румен Радев се откажа од претседателската функција, најверојатно за да формира партија што ќе настапи на новите вонредни парламентарни избори во Бугарија. Неговиот втор мандат требаше да заврши идната година.
- „Денес последен пат ви се обраќам како претседател. Денешната политичка класа ги изневери надежите на Бугарите и прави компромиси со олигархијата. Вашата доверба ме обврзува да ги заштитам државноста, институциите и нашата иднина“, порача Радев во обраќањето до нацијата.
- До новите избори, неговата функција ќе ја извршува потпретседателката Илијана Јотова.
- Иако Радев официјално не потврдил, бугарската јавност со недели шпекулираше дека тој сака да формира партија, со цел да победи на вонредните парламентарни избори.
- Британскиот премиер Кир Стармер се реши на битка за политички опстанок, откако неколкумина министри во неговата влада и 80 лабуристички пратеници го повикаа да поднесе оставка поради одговорност за рекордно нискиот рејтинг на партијата и еден од најкатастрофалните порази на локалните избори пред неколку дена.
- Шест клучни министри од кабинетот на Стармер потврдиле за Телеграф дека на денешниот состанок на владиниот кабинет ќе побараат оставка од премиерот. Тој, сепак, не им дал збор и ги кажал сопствените аргументи зошто треба да остане на функцијата.
- „Изминатите 48 часа беа дестабилизирачки за владата и тоа има реална економска цена за нашата земја и за семејствата. Земјата очекува од нас да продолжиме со управувањето. Тоа е она што го правам и она што мора да го направиме како кабинет“, им изјавил Стармер на министрите.
- Стармер истакнал и дека во партијата се уште не е покренат официјален потег за избор на нов лидер, што во британскиот систем значи и нов премиер.
- Премиерската позиција на Стармер е безбедна сè додека 81 пратеник од Лабуристичката партија официјално не предложат нов лидер на партијата. Министерот за здравство Вес Стритинг наводно веќе има таква поддршка, но се воздржува да ја предизвика лидерската позиција на Стармер.
- На крајот на јуни во Грција на сила ќе стапи нов пакет мерки поврзани со туризмот и градењето кои надлежната министертка за туризам ги претстави како историски.
- Правилата за градење ќе бидат далеку построги од сега, особено за масовно посетуваните острови како Родос, Миконос, Санторини... Новите хотели таму не ќе можат да имаат повеќе од 100 кревети.
- Нови хотели надвор од официјалните градежни области ќе бидат дозволени само на големи имоти. Во зависност од регионот, ќе мора да се има површина од најмалку осум до 16 хектари.
- Се забранува градба поблиску од 25 метри до морето.
- Лани Грција ја посетиле 38 милиони туристи.
