Вести › Набрзинка

ОФФ ги отпушти сите новинари

28 октомври 2024

Радиостаница во Полска ги отпушти новинарите и по некое време започна со програма во која водителите се виртуелни ликови создадени со вештачка интелигенција.
„Нашите аватари се создадени да допрат до помладите слушатели. Ќе истражуваме дали вештачката интелигенција е повеќе можност или закана за медиумите“, изјави директорот на ОФФ радиото, Марцин Пулит.
Еден од оние кои добија откази од ОФФ, новинарот и филмски критичар Матеуш Демски негодуваше против одлуката да се заменат луѓето сомашини, оцени дека е тоа опасен преседан и покрена петиција која наидува на голем одзив.

22 ноември 2024

Кина објави дека ќе проширува безвизниот влез за уште девет земји, меѓу кои и Македонија, во обид да ги поттикне туризмот и деловните патувања за да помогне во заживување на економијата.
Од декември годинава, без виза во Кина ќе може да се престојува 30 дена. Само 38 пасоши од светот Кина ги пушта без виза.
Интересно е што во листата за проширување на безвизниот режим е и Јапонија.

21 ноември 2024

Спикерот Африм Гаши повика обезбедување и прогласи 10-минутна пауза за да спречи ескалација на инцидентот меѓу Димитар Апасиев и пратеникот на ВМРО ДПМНЕ, Зоранчо Јованчев.
Димче тврди дека Зоранчо го опцул па реагирал барајќи да не му го спомнуваат семејството.
За малку ќе имаше пресметка и меѓу Борислав Крмов од Левица и пратеникот на ВМРО-ДПМНЕ, Александар Велјановски.
Смирувачки е да се види како во пресрет на сè поблиска Трета светска војна, македонските народни избраници се на висина на задачата.

*****