Вести › Набрзинка

Остануваме заробени во северната зандана

11 февруари 2024

Ако ве фати полиција со возачка без „Северна“ ќе платите казна како да имате истечена возачка дозвола (тука)
Ако недај боже направите сообраќајка, а имате возачка без Северна, нема да важи осигурувањето а штетата ќе падне на возачот (тука)
Нема да може ни да излезете од државата без пасош со "Северна" (тука)
Се очекува хаос и за налепниците: Ќе мора да отидете до станица за технички преглед, да пополните барање со податоци за вас и вашето возило, да го доставите до шалтерот на МВР, за на крајот налепниците да бидат залепени од контролор во станицата (тука).
Сите бракови на кои на венчаниците не им пишува "Северна Македонија" нема да важат од полноќ на 12 февруари 2024 (се зезаме, од мака)

Неколку реакции:

Не е ли малку безвезе да ако ве фатат без возачка од Северна, казната да ја платите со пари некои пишува Република Македонија.
Мартин Толовски

***********

Од среда Македонија ќе застане, севернава вештачка творба ќе ја парализира. Кажете им фала на сдсм, нивните гласачи и тие 600.000 морони кои гласаа на референдумот. И за сите овие седум години понижувања промена на име, обид за промена на јазик, идентитет, историја, што ја доведоа Македонија да ја гази кој како сака, да ја ограбува, ништи, омаловажува.

Има 87 дена до избори. Избори на кој нема да бидат сменети, ќе бидат уништени. Засекогаш, затоа што полошо не било ни под сите окупации кои сме ги имале, ни под сѐ што сме морале да издржиме.

А после и соодветни казни.
Божидар Божиновски

*******

Добро сеа, да точно е... сменивме име, пасоши, лични карти, таблици, топоними, возачки дозволи, пол, крштеници... ама па затоа за возврат влеговме во ЕУ. Ферски е да се признае.
@TheFitzzz

********

Фала многу Оливер Спасовски.

Покажа како може едно Министерство кое треба да се грижи за безбедноста на државата и на граѓаните, да направи хаос и калакурница за обични возачки и сообраќајни, посебно за вториве, каде од ВАШИ вработени во МВР бевме убедувани дека не треба да се менуваат при регистрација.

Инаку Законот за изменување и дополнување на Законот за безбедност на сообраќајот на патиштата, каде пишува дека возачките и сообраќајните НЕМА ДА ВАЖАТ ОД 12.02.2024 Е ДОНЕСЕН во ЈУНИ 2021Г.

Како бе машко не најдовте засходно да ги информирате оние што регистираат последниве 2 години дека треба да се сменат сообраќајните и да ги упатат да си ги сменат и возачките??! А за возачките ни велевте ок ќе е, низ дома кругчиња да си правите.

АМА вас ви е гајле- вие си ги имате сменето сите документи- не чекате ко дебили на телефон да добиете прво контакт, па да чекате 2 сааати - и така секој ден.

Денеска не е лошо да излезете од подрумот или одморот, сеедно, и да им кажете на граѓаните оти 2 години од ваши вработени во МВР биле убедувани дека сообраќајните нема потреба да се менуваат. Барем едно гу-гу.

Многу јако го зезнавте политичкиот противник да се поти сега, ама всушност не зезнавте нас гласачите, а ние не сме глупи, тоа не сте го зеле предвид како клучен фактор во калакурницата што ја создадовте.

И шо сакавте? Глас за шо - Европски фронт?!
Жанета Трајкоска

********

Има да возам па на КУР да ми се качат.
@AristoCat221

********

извор

ЏД Венс: Ни Русија ни Украина не можат да напредуваат на фронтот

6 јули 2026

Американскиот потпретседател ЏД Венс изјави дека Русите не можат да постигнат речиси ништо во офанзивните операции на фронтот, ниту пак Украинците можат со своја контраофанзива да ги ослободат окупираните територии.
„Русите плаќаат висока цена за секој квадратен километар што го освојуваат. Сега се во ситуација каде што шансите да постигнат нешто преку продолжени офанзивни операции се занемарливи и се приближуваат кон нула. Ова би можело да го создаде просторот што ни е потребен за да го донесеме ова прашање до крај“, изјави Венс во интервју за Сандеј тајмс.
Фронтот, според него, е замрзнат затоа што САД и НАТО ја охрабриле Украина да се фокусира повеќе на одбраната и на исцрпување на Русија отколку да почне скапи офанзиви за освојување на окупираните територии.
„Ако се сеќавате на летото 2023 година, главниот спор беше дали Украина треба да се обиде со голема контраофанзива. Речиси целиот западен свет, вклучувајќи го и претседателот Бајден, извршија притисок врз Украинците да почнат масовна контраофанзива, што подоцна се покажа како стратешка и тактичка катастрофа“, потсети Венс.

извор

Иран наполни танкери со нафта, нема кому да ја продаде

6 јули 2026

Иран не може да најде доволно купувачи за својата сурова нафта пред да истече рокот за слободен извоз од 60 дена, согласно Меморандумот за разбирање со САД.
Техеран на 1 јули соопшти дека испорачал над 40 милиони барели сурова нафта откако САД ја укинаа поморската блокада. Но, повеќе од 20 милиони барели се во азиските води подолго од седум дена, што е зголемување од речиси 18% во однос на претходната недела.
Според извори на Блумберг, јасна дестинација немаат 90% од танкерите на кои се натоварени 58 милиони барели иранска нафта. Официјално се водат како „за нарачка“ или пловат кон Сингапур, со надеж дека ќе договорат извоз.
Главна причина е намалената побарувачка на големиот азиски пазар, кој очекува испорака на нафта од другите земји од Персискиот Залив. Кина, најголемиот увозник на иранска нафта пред војната, го преполовила увозот на 654.000 барели. Само еден ирански танкер истоварил нафта во Кина во изминатата недела. Индија чека конечен договор и целосно укинување на санкциите за да прави долгорочни нарачки.
Ограничувањата на Европската Унија и Британија сè уште се на сила. „Купувачите остануваат претпазливи дека Вашингтон би можел повторно да воведе санкции ако преговорите пропаднат“, изјави американскиот министер за финансии Скот Бесент.

извор