Вести › Набрзинка

Новата мапа на светот ја покажува вистинската големина на Африка

23 август 2018

29 април 2025

Либералната партија на Марк Карни победи на парламентарните избори во Канада, но не стигна до мнозинство во парламентот.
Проекциите покажуваат дека либералите ќе имаат околу 160 пратеници, а конзервативците близу 150. За мнозинство потребни се 172.
Карни најверојатно ќе биде премиер на малцинска влада, која ќе се потпира на поддршка од Блокот Квебек.
Резултатите одразуваат голем пресврт на политичката сцена. Пред само три месеци, кога премиерот Џастин Трудо се повлече, неговите либерали на анкетите заостануваа над 20% зад конзервативците.
На Карни, поранешен гувернер на централната банка без искуство на политичка функција, му помогна американскиот претседател Доналд Трамп, кој упорно бара Канада да стане 51 сојузна држава на САД.

28 април 2025

Министерството за внатрешни работи на Шпанија прогласи вонредна состојба во регионите погодени од општиот прекин на електричната енергија.
Мадрид, Андалузија и Естрамадура побараа од централните власти помош за одржување на јавниот ред и основните функции.

Откажани се авионски летови, во градовите не работат семафорите, луѓето немаат пристап до сигнал од мобилната мрежа и до интернет.
Електродистрибуцијата Ред електрика вечерва објави дека е обновен пристапот до струја во 20% од погодените региони.
Без струја остана и голем дел од соседна Португалија.
Причината за колапсот на мрежата не е познат, но се смета дека имало повеќе дефекти.