Вести › Набрзинка

Нов вид мачка откриен во Боливија

18 септември 2026

Нов вид дива мачка откриена во дождовните шуми на Боливија.
Светло-кафеава е, со шарки и помала од домашните мачки, со тежина од околу 1,4 килограми.
Повеќе од еден век не откриена и класифицирана нова мачка.

извор

ЕСМ: Милионски договори за осигурување, милионски провизии за посредници

18 септември 2026

Се работи за серија договори за осигурување меѓу ЕСМ и Македонија осигурување, кои чинат 5 милиони евра за две години. Откако ќе се потпишел тој генерален договор, потоа следувало потпишувањето на повеќе полиси за осигурување на имотот на ЕСМ. Носители на тие полиси секогаш биле агенти-брокери и друштва за застапување во осигурувањето.
„Наведувањето на агент-брокер и друштво за застапување во осигурување во полисите предизвикува дилема во однос на нивното вклучување во вкупниот износ на премијата, што укажува на сомневања за неосновано користење на јавните средства и намалена транспарентност во постапките за осигурување“, пишува во последниот извештај на ревизорите.
Во јануари годинава, актуелниот генерален директор на ЕСМ Лазар Узунчев поднесе кривична пријава за овие случаи, а на 30 март е поднесено и дополнување на кривичната пријава. МКД.мк добиле информација дека случајот е во предистрага, кај обвинителката Марија Секуловска Велковска.
Од наодите во последниот извештај на Државниот завод за ревизија (ДЗР) може да се заклучи дека во периодот од 2022 година до септември 2024 година се работело главно на уништување на компанијата. Овој извештај претставува само површна слика на криминалното и систематско, свесно уништување на енергетскиот гигант под претходното раководство, велат изворите на порталот.
И претходниот ревизорски наод, од 2017 до 2022 година, е обвиен во институционален молк и отсуство на одговорност. Основното јавно обвинителство (ОЈО) и за тој извештај до ден-денес нема иницирано ниту една кривична пријава.

извор

22 години без Даниел Михајловски

18 септември 2026

На 17 септември 2004 година, во Скопје, прерано згасна животот на Даниел Михајловски, еден од најдобрите и најдоследни македонски музички новинари и критичари.
Роден во Штип на 9 мај 1976 година, Михајловски зад себе остави пишан збор кој и денес може да се чита како сведоштво за едно време, но и како пример за тоа што значи да се биде храбар, објективен и бескомпромисен новинар.
Смртта го затекна како уредник на „Ритам“, неделникот што излегуваше како додаток во дневниот весник „Време“. Претходно беше во Дневник.
Му имавме отворено рубрика за негови колумни на нашиот претходен сајт, Он.нет (2000-2012). Жестоко, искрено и без пардон. Некои мустри од музиката за кои пишуваше лути му доаѓаа на работа „за машки да се разберат.“
Го сакаше Ацо Шопов, Азра, Васил Хаџиманов....
Прекрасно другарче, прекрасен човек.

извор