Вести › Набрзинка

Нетанјаху: Треба копнена инвазија за промена на режимот во Техеран

20 март 2026

Израелскиот премиер Бенјамин Нетанјаху предупреди дека е неопходна копнена инвазија врз Иран за да се собори режимот во Техеран.
Нетанјаху истакна дека кампањата на Израел и САД со проектили, авиони и дронови ја деградирале Исламската Република до нејзината „најслаба точка“ во 47-годишно владеење и дека повеќе не може да збогатува ураниум за атомска бомба, но додаде: „Може да направите многу од воздух, но потребна е и копнена. Има многу можности за оваа компонента, но нема да ви ги кажам“.

Доналд Трамп во вчера ја исклучи можноста за распоредување копнени трупи во Иран: „Не испраќам трупи никаде. И да испраќам, сигурно не би ви кажал. Но, не испраќам трупи.“
Нетанјаху додаде дека Израел не ги вовлекол САД во војната: „Дали навистина мислите дека некој може да му каже на претседателот Доналд Трамп што да прави?“.

извор

САД ќе дозволат повисоки дози на зрачење од нуклеарните централи

3 јули 2026

Американските регулатори предложија разлабавување на стандардите за безбедност од зрачење на нуклеарните реактори за да се олесни и забрза изградбата на нови атомски централи.
Ќе се укине стандардот за заштита „Најниско разумно остварливо ниво“ ALARA, кој е линеарен и нема дефинирани прагови, врз основа на претпоставката дека „секоја доза на зрачење, без разлика колку е мала, носи ризици од развој на рак“. Придржувањето до стандардите ALARA е енормно скапо, зголемувајќи ја цената на изградбата и работа на реакторите за милијарди долари.
Операторите на нуклеарните централи ќе добијат поголема флексибилност да поставуваат прагови на дозволените дози на зрачење за работниците и околината, врз основа на специфичните околности и новите технологии.
Предложените измени се во согласност со наредбата на Доналд Трамп за четирикратно зголемување на американскиот капацитет за генерирање нуклеарна енергија од околу 100 гигавати во 2024 година на 400 гигавати во 2050 година.

извор

Заради пијани туристи, Сплит забранува ноќно продавање алкохол

3 јули 2026

Повраќање по улици, уринирање на јавни места, спиење по влезови, тепачки и гласно викање до раните утрински часови се неизбежен летен декор на популарните туристички дестинации како што е Сплит.
Градот ќе проба да стави крај на ова со забрана за продажба на алкохолни пијалоци во продавниците од 21 часот до 6 часот наутро.
Во јуни Брзата помош интервенирала во 50-тина случаи на алкохолизирани на јавни места, повеќе од нив млади туристи од странство.
„Ќе се изнакупуваат алкохол пред девет навечер,“ вели жител на градот кој не верува дека мерката ќе даде резултат.

извор