Вести › Набрзинка

Несудените нобеловци напишале заедничка колумна

13 јуни 2024

Новото раководство на Северна Македонија ги крши словото и духот на Преспа, порачаа поранешните премиери Зоран Заев и Алексис Ципрас во заедничката колумна за Еуроактив.
Двајцата поранешни премиери кои го постигнаа договорот, ги повикуваат Европската Унија и меѓународната заедница јасно да му стават на знаење на новото раководство во земјава дека почитувањето на договорот е единствениот пат.
Тврдат дека кршењето на Преспанкси нема да ја доведе во прашање само европската иднина на Македонија, туку и нејзината иднина во целина.

20 септември 2025

13 години откако почнаа градежните работи, заврши изградбата на црквата во строгиот центар на Скопје, на улица Македонија, кај домот на АРМ.
Црквата ќе ја освети г.г. Стефан на 28 септември.
Груевски организираше три донаторски конференции со македонски компании за да се соберат пари за изградба.
Во 2013 имаше насилни протести пред Општина Центар мотивирани од гласините дека се планира рушење на црквата. Судењето заврши во септември 2020 со затворска казна од една и пол година за Груевски како нарачател на насилствата.

20 септември 2025

Американските компании кои ќе сакаат да ангажираат високо-стручни лица од странство ќе мора да платат 100.000 за нивна виза од типот Х-1Б.
Овој тип виза им овозможува на компаниите да спонзорираат странски работници со специјализирани вештини - како што се научници, инженери и компјутерски програмери - првично три години, со можност за продолжување до шест години.
Трамп е од оние критичари на визниот систем кои долго време тврдат дека H-1B ја потценува американската работна сила, додека поддржувачите - вклучувајќи го и милијардерот Илон Маск - тврдат дека тоа им овозможува на САД да привлечат врвни таленти од целиот свет.
Истовремено, Трамп потпиша и указ за нова „златна картичка“ за забрзување на издавањето виза за траен престој во САД, по цени што почнуваат од 1 милион долари.