Вести › Набрзинка

Некогаш и на Бугарите може да им се верува

10 декември 2021

Артан Груби тврди дека има француска иницијатива за решавање на спорот со Бугарија.
Бугарското МНР вели дека нема француска иницијатива за решавање на спорот со Бугарија.
Патем, среде „максималното фокусирање на евро-интеграциите“ и неколкунеделно фурање на приказната за „постоење прозорец во декември“, Груби за вест на годината ја прогласи онаа дека коридорите 8 и 10 ќе можат да се градат без тендер.

29 септември 2026

Рускиот претседател Владимир Путин со указ го прошири обемот на оружените сили за уште 15.500 лица на вкупно 2,44 милиони, од кои 1,5 милиони се активен воен персонал.
Ова е трето зголемување на руските оружени сили годинава. Од март се додадени вкупно 47.860 војници и персонал.
Украинскиот претседател Володимир Зеленски вчера изјави дека Русија веќе почнала со нова мобилизација, која опфаќа и странски војници, вклучувајќи и уште 10.000 кои треба да пристигнат од Северна Кореја.
Во јули, украинските разузнавачки служби проценија дека рускиот Генералштаб изготвил план за мобилизација на дополнителни 600.000 луѓе – 300.000 во текот на 2026 година и уште толку во 2027 година.

28 септември 2026

Доналд Трамп го прашал Си Џинпинг дали Кина сака да купи американско оружје, изјави амбасадорот на САД во Пекинг, Дејвид Пердју. Не прецизира дали понудата ја дал на самитот во Вашингтон пред неколку дена или во Пекинг во мај.
„Претседателот Трамп постојано вели дека САД продаваат оружје низ светот. Тој всушност во еден момент го праша претседателот Си дали би сакал да купи“, изјави Пердју за Фокс њуз.

„Законот на САД забранува продажба на оружје на Кина и не постои понуда или план за продажба на оружје на Кина“, соопшти Стејт департментот.
Спроти самитот во мај, Трамп ја одложи продажбата на пакет американско оружје за Тајван во вредност од 14 милијарди долари како „добар адут за преговори“ со Пекинг.
Пердју потврди дека САД не ја промениле својата политика во однос на Тајван: го почитуваат ставот на Пекинг „Една Кина“, но во исто време му даваат безбедносна поддршка на Тајпеј.