- Додека Европа планира да крева воздушен штит поради надлетувањата на мистериозни дронови, аеродромот во Вилнус во саботата вечер бил затворен поради воздушен шверц на цигари.
- Воздушниот простор на Литванија го нарушиле 25 мали балони со топол воздух натоварени со пакети со цигари. Откажани биле 30 летови со околу 6.000 патници од главниот аеродром. Пограничната полиција успеала да приземји 11 балони и запленила 18.000 штеки цигари.
- „Белоруските шверцери сè почесто користат балони, кои се поевтини од беспилотните летала, за шверцување цигари во ЕУ“, објави портпаролот на Центарот за управување со кризи, Дариус Бута. Слични инциденти имало и во август. Лани биле пресретнати 966 шверцерски балони што долетале од Белорусија.
- По два инциденти во јули литванскиот парламент одобри примена на сила за соборување беспилотни летала што го нарушуваат воздушниот простор на земјата. На 10 јули дрон од руско производство што долетал преку Белорусија се урнал во регионот на Вилнус, а на 28 јули уште еден паднал близу воен полигон.
- Директорот на „Комунална хигиена“ Сабахудин Рустеми и уште едно лице од скопското јавно претпријатие попладнево се приведени од полицијата поради непостапување во врска со ѓубрето во градот, поврзани со кривично дело од Член 230 на Кривичниот законик.
- Рустеми е директор „Комунална хигиена“ од 29 јануари годинава, член на ДУИ, а беше поставен на позицијата од градоначалничката на Скопје Данела Арсовска.
- Претходно, Рустеми како близок соработник на пратеникот на ДУИ Блерим Беџети, беше директор на јавното комунално претпријатие „Сарај“ (од 2017 до 2021 година), а потоа, за време на мандатот на Арсовска и помошник-директор на ЈП „Паркови и зеленило“- Скопје.
- Според вработените во „Комунална хигиена“ откако Рустеми стана директор, почнал хаосот во претпријатието, намерното оставање на сметот низ Скопје, кое зачести за време на локалните избори со што е загрозено и јавното здравје на скопјани.
- Неговиот деветмесечен мандат беше проследен и со бројни финансиски скандали, поединечни договори за хонорари, испумпување милиони евра за резервни делови на возилата, пропратено со оправдувањата дека претпријатието не може да ги извршува основните задачи заради нефункционални возила. За интелектуални услуги – заштита на животната средина, давање совети за заштита на животната средина при вршење на услугите на претпријатието, 18-годишниот Валон Беџети, син на Блерим Беџети, потпишал договор од 12.000 евра.
- Американскиот претседател Доналд Трамп ја отфрли можноста да се кандидира за потпретседател на следните избори во 2028 година, за да може по заобиколен пат да обезбеди и трет мандат во Белата куќа.
- Би ми било дозволено. Но, нема да го направам тоа, зашто е премногу слатко. Мислам дека на луѓето нема да им се допадне. Нема да биде правилно“, им изјавил Трамп на новинарите што го придружувале на летот кон Јапонија.
- Уставот на САД ги ограничува претседателите да се кандидираат за најмногу два мандати. Според некои толкувања, Трамп би можел да отслужи и трет мандат без да се кандидира за претседател. Би можел да настапи како кандидат за потпретседател на политички сојузник, кој би се согласил да се повлече веднаш по инаугурацијата.
- Трамп оцени дека републиканците веќе имаат пристојни потенцијални кандидати за изборите во 2028 година, при што ги спомна потпретседателот Џеј Ди Венс и државниот секретар Марко Рубио.
