Вести › Набрзинка

Не се двеста, петстотини се убиени во Либан

24 септември 2024

Најмалку 492 лица се убиени во жестоките воздушни напади на изрелската војска во јужен Либан, најсмртоносниот ден во речиси 20 години.
Десетици илјади семејства ги напуштија своите домови откако Израел удри по 1.600 мети за кои е убеден дека се упоришта и скриени ракетни лансери на Хезболах.
Либанското министерство за здравство соопшти дека меѓу убиените има 35 деца и 58 жени. Повредени има над 1.600.
Во меѓувреме, Хезболах истрелале преку 200 ракети во северен Израел.
Генералнииот секретар на ОН, Антонио Гутереш, стравува дека јужен Либан станува „новата Газа“

24 август 2025

Од наследени осум, досега се добиени три арбитражни постапки (Казандол, Саса и ГАМА), со што биле заштедени вкупно 565 милиони евра од државната каса, обелодени министерот за транспорт и вицепремиер Александар Николоски.
Казандол, на пример, бил наследен во затворена фаза и со сериозни отежнителни околности бидејќи претходната влада во 2023 година преговарала за спогодба и не доставила нови докази.
Токму поднесувањето свежи докази и одбивањето на понудата за спогодба од 38 милиони евра било клучно за Владата да го добие спорот вреден 115 милиони евра.
Николоски го повика Обвинителството да ги истражи сомнежите во однос на тоа кој и како преговарал за арбитражните постапки и да провери зошто претходната власт сакала да плаќа милиони.

23 август 2025

Новоформираната православна заедница „Света Хилда“ во Халифакс, Англија, ја прослави својата прва литургија, означувајќи ја транзицијата на конгрегацијата од евангелизам кон православие.
На службата, одржана во католичката црква „Свети Малахиј“ за време на Успението на Пресвета Богородица, присуствувале 61 учесник, дел од нив примиле света причест, објави Антиохиската православна христијанска архиепископија на Британските острови и Ирска.
Транзицијата започнала порано оваа година кога евангелистичката конгрегација колективно одлучила да се преобрати во православно христијанство а на 6 септември ќе има голема церемонија кога со крштевање или миропомазание ќе се примат 30-тина верници.