- Алијансата во 1999 година мина 78 дена бомбардирајќи ја Југославија контаминирајќи ја таа држава и целиот регион со најмалку 15 тони осиромашен ураниум.
- Година ипол по поднесување на тужбата на заболените од рак пред Вишиот суд во Белград, НАТО се огласи повикувајќи се на имунитет врз основа на договорот Партнерство за мир потпишан во 2006 година.
- Адвокатот на жртвите вели дека тој договор не носи никаков имунитет против бобардирање со радиоактивен материјали и дека имунитет не може да важи ретроактивно.
- Српски и италијански адвокати тврдат дека врската меѓу бомбардирањето со осиромашен ураниум и заболувањето од рак го имаат докажано на најмалку 300 случаи.
- Не е уплатен ниту еден долар во официјалниот фонд за обнова на Газа, формиран од Одборот за мир на Доналд Трамп и администриран од Светската банка.
- Во Одборот, промовиран од Трамп во јануари, се приклучија 35 земји. Беа ветени 17 милијарди долари. Трајното членство чини 1 милијарда долари.
- Сите досегашни донации се уплатени на сметка на JPMorgan - без транспарентен увид или одговорност.
- Единствените земји што досега дале значаен придонес се Мароко (3 милиони долари) и Обединетите Арапски Емирати (20 милиони долари). Ова ги покрива трошоците за високиот претставник Николај Младенов и платите на Палестинскиот експертски комитет. ОАЕ, исто така, издвоија 100 милиони долари за полициски сили, но програмата сè уште не почнала.
- Според неодамнешно истражување на ЕУ, ОН и Светската банка, трошоците за реконструкција на Газа се проценети на 71,4 милијарди долари.
- Техеран добил нов нацрт на Меморандумот за разбирање со САД, што би требало да води кон конечен договор за крај на војната.
- Според рамката, Иран во рок од еден месец ќе го деблокира Ормускиот проток и ќе го врати комерцијалниот бродски превоз на нивото од пред војната.
- САД ќе ги повлечат сите своите воени сили од „околината на Иран“ и ќе ја укинат својата поморска блокада.
- Техеран ќе го управува бродскиот сообраќај низ протокот во соработка со Оман, но деталите за ова не се финализирани.
- Меморандумот треба да ја деескалира ситуацијата додека се преговара за крај на војната. Ако се постигне конечен договор во рок од 60 дена, ќе биде одобрен со обврзувачка резолуција од Советот за безбедност на ОН.
