Вести › Набрзинка

Настов: На шест пациенти им е направена трансплантација на кожа

23 март 2025

На Универзитетската клиника за хируршки болести во Скопје во моментов се лекуваат десет пациенти од пожарот во дискотеката „Пулс“ во Кочани, од кои на шест веќе им е направена трансплантација на кожа поради степенот на изгореници, информираше директорот на Клиниката, Небојша Настов.
Шесте пациенти на кои им била направена трансплантација биле со највисок, трет степен на изгореници. Кај останатите пациенти продолжуваат редовните преврски и веќе во текот на наредната недела се планираат првите испусти за дома, рече Настов
Во врска со пациентите кои се лекуваат во странските држави, Настов изјави дека веќе се прават протоколи и координациии за фазата во која ќе треба да се вратат и да бидат сместени во болничките капацитети во земјава.

извор

Приведен Ејуп Рустеми во врска со договор за обезбедување на патарините

25 март 2025

Ејуп Рустеми, поранешниот директор на Јавното претпријатие Државни патишта, е уапсен во врска со истрага за тендер за обезбедување на патарините.
Во полициската акција биле уапсени уште три лица - Ејуп Љатифи, заменик директор за одржување патишта, потоа Дрилон Зибери, раководител на Одделение за наплата и контрола на патарини, и Џемал Билбиловски, сопственик на агенцијата за обезбедување „2СС“.
МВР поднесло кривични пријави против пет физички лица и едно правно лице за злоупотреба на службена положба и овластување и фалсификување службени исправи.
Станува збор за договор за јавна набавка склучен во август 2022 година, според кој осомничениот управител на агенцијата за обезбедување се обврзал две години да врши континуирано физичко обезбедување на сите 14 наплатни станици на Јавното претпријатие за државни патишта. Не се придржувал кон обврската постојано да ги обезбедува станиците, вршел само делумно физичко обезбедување, најчесто само во прва смена, а фактурирал услуги како да ги обезбедувал 24 часа на ден 7 дена во неделата.

извор