Од априлските 2,2% Народна банка сега има за речиси половина повисока проекција за инфлацијата во земјава која се очекува да изнесува 3,1%.
Растот на економијата очекуваат да биде 3,9%, меѓутоа нивните предвидувања се дека тој ќе се намали во 2022 и 2023.
Според Државниот завод за статистика трошоците на живот во октомври се зголемени за 4,1% во споредба со октомври лани, a цените на мало се зголемени за 6,1% во однос на октомври минатата година.
Сојузот на синдикатите денеска одржа протестен марш со барање за минимална плата од 600 евра и линеарно зголемување на платите за 100 евра.
Претседателот на ССМ Слободан Трендафилов го отфрла законското усогласување од 1.667 денари, бидејќи усогласувањето не го покрива растот на трошоците за живот - во последните два месеца вредноста на синдикалната минимална кошница пораснала за 2.000 денари.
Тој додаде дека 160.000 работници во земјава примаат плата која е под прагот на сиромаштија.
„Сметаме дека за март мора да се зголеми минималната плата затоа што работниците заработуваат многу повеќе отколку што ги плаќаат“, порача Трендафилов. Минималната плата, односно таа што ќе се исплати во април, по годишното усогласување, е 26.000 денари и не ја достигнува вредноста ниту до 500 евра.
ССМ останува на најавата за 24-часовен генерален штрајк, кој овој пат ќе го опфати и приватниот сектор.
„Постојат настани во историјата на една држава кои не се мерат со време, туку со болката што ја оставаат зад себе. Трагедијата во Кочани е еден од тие настани. Таа беше трагедија на еден град, но и трагедија која ја потресе целата наша држава и која засекогаш ќе остане врежана во колективното сеќавање“, порача премиерот Христијан Мицкоски на „Меѓународната конференција за институционалните и клиничките аспекти и решенија по пожарот во Кочани“.
„Семејствата имаат право да знаат како се случила трагедијата. А институциите имаат должност да обезбедат правда. Токму затоа, веднаш по трагедијата започна процес на институционално утврдување на фактите и на одговорноста. Овој процес мора да биде темелен, професионален и ослободен од било каков притисок. Во прашање се човечки животи, а во такви ситуации институциите мора да работат со највисоко ниво на сериозност и интегритет. Правдата не е прашање на политика. Таа е прашање на доверба во институциите, додаде Мицкоски.
Министерот за здравство Азир Алиу им изрази благодарност до повеќе од 400 здравствени работници од јавниот и приватниот сектор, кои со исклучителна пожртвуваност, концентрација и професионализам извршиле натчовечки напори да спасат животи“.
Алиу изрази благодарност и до медицинските тимови во европските здравствени центри: „Меѓународната солидарност потврди дека стручноста и хуманоста немаат граници кога се спасуваат човечки животи“.
Во пожарот во ноќниот клуб „Пулс“ во Кочани на 16 март 2025 година по полноќ загинаа 63 млади луѓе, а над 200 беа повредени.
Во нивна чест, во Паркот на револуцијата во Кочани задутре ќе бидат поставени симболичната инсталација „63 бели столчиња – 63 животи“, и муралот „Ѕид на сеќавање“.
