Вести › Набрзинка

Наместо да се распушти, Судскиот совет допрва ќе го проверувал Мерко

21 јуни 2023

Судскиот совет ќе формира комисија која ќе ги провери наводите на Стејт Департментот и американската амбасадорка, Анџела Агелер, за градоначалникот на Струга, Рамиз Мерко кој вчера беше ставен на црната листа на САД поради сомневања дека се мешал во судски постапки.
Судскиот совет ќе ги провери наводите на Стејт Департментот и американската амбасадорка и ќе формира комисија, која заедно со координаторот за овој суд од редот на членовите, ќе направи посета на овој Суд, за да може на лице место да направи контрола, вели портпаролката на Судски совет, Гордана Дувњак.
Американската амбасадорка Агелер најави и нови имиња на листата покрај градоначалникот Мерко.
Призма потсетува дека кариерата на Мерко започна во земјоделска аптека и дека пред 11 години бараше да биде дозволено пукање на свадба бидејќи тоа било вообичаено кога невеста се зема од дома.

извор

За Данела 24-часовно полициско обезбедување, за напаѓачот куќен притвор

12 јули 2025

Министерството за внатрешни работи одобри 24-часовно обезбедување на градоначалничката на Скопје Данела Арсовска, откако таа беше нападната на Бит Пазар при увид на дивоградба спроти Полициската станица во Чаир.
„Со оглед на безбедносната проценка направена од АНБ, градоначалничката Арсовска, како носител на јавна функција, ќе биде под 24-часовна полициска заштита, со цел да ѝ се обезбеди лична сигурност и непречено извршување на нејзините обврски“, соопшти министерството.
Основниот кривичен суд Скопје му одреди осумдневен куќен притвор на С.Љ. – осомничен за физички и вербален напад врз градоначалничката на Град Скопје, Данела Арсовска. Обвинителството бараше да му биде одредена мерка ефективен притвор.
На второосомничениот – исто така со иницијали С.Љ. – Судот му одреди мерки на претпазливост, како што бараше скопското обвинителство.

извор

Чаирски силеџија ја нападнал градоначалничката на Скопје

11 јули 2025

Данела Арсовска била вербално и физички нападната кога посетила објект во изградба кој немал потребни дозволи, каде се крадела струја и вода и за кој не биле платени никакви давачки.

Министерот за внатрешни работи Панче Тошковски вели дека физички контакт имало, но дека е лага и повторен обид за манипулација на јавноста тоа дека нападот се случил пред очите на полицијата.
Плусинфо објави снимка од надзорна камера која покажува друга верзија на настанот. „Данела Арсовска прва започнува со напад при денешната обиколка на дивоградби во Општина Чаир. Таа со клоци удира маж кој потоа и возвраќа со напад“, пишува порталот.