- „На 13 јуни 2024 година по мое инсистирање сум сослушан од страна на обвинителката Нечаковска. Ги потенцирав наводите по кривичната пријава и доставив копија од пресудата на Граѓанскиот суд за објавените текстови на сопственикот на порталот Доказ кај што тој признава дека објавува текстови по нарачка на обвинителите“, вели шефот на Вишото јавно обвинителство, Мустафа Хајрулахи.
- Доставил и писмени изјави за тоа дадени од сопственикот на порталот Доказ, Марјан Стаменковски. Тогашниот јавен обвинител Јовески се обидел да издејствува Хајрулахи воопшто да не поднесе кривична пријава против Фетаи и Рајчев а Хајрулаху имал притисок да ги повлече не само пријавите туку и дисциплинската постапка.
- „Релативната застареност за ова дело е 2 години и токму тоа е намерата. И да се донесе одлука, по поднесена жалба делото ќе застари“, коментира обвинителот.
- Против Фетаи и Рајчев се води и дисциплинска постапка но и таа се одолговлекува.
- Концентрацијата на богатството кај мала група луѓе во 27 земји од светот го надминала нивото во кое 0,1% од возрасната популација поседуваат повеќе од најсиромашните 80% од жителите.
- Јазот е најдлабок во Русија, а најмалку е изразен во Словачка.
- Македонија според оваа класификација е меѓу земјите со порамномерна распределба на богатството.
- Јужна Африка нуди впечатлив пример за тоа колку можат да бидат трајни овие разлики. Студија што го опфаќа периодот од 1993 до 2017 година покажа дека немало трајно намалување на нееднаквоста во богатството по крајот на апартхејдот.
- Разговорите на администрацијата на Трамп со Русија за крај на војната во Украина се проширија со нафтен договор вреден повеќе милијарди долари, од кој би профитирале деловни луѓе од Блискиот Исток поврзани со двајцата главни американски преговарачи, Стив Виткоф и Џаред Кушнер.
- Договорот се однесува на голем број нафтени полиња, рафинерии и бензински пумпи ширум светот во сопственост на „Лукоил“, една од најголемите руски енергетски компании.
- Откако администрацијата на Трамп лани воведе санкции против „Лукоил“, компанијата реши да го продаде својот имот во странство. Министерството за финансии на САД дисквалификува неколку потенцијални купувачи на „Лукоил“.
- Сега е договорено имотот да биде продаден на група во која учествува инвеститорот Тод Боли, кој донирал 2 милиони долари за политичките цели на претседателот Трамп, на две групи од Блискиот Исток кои соработувале со Кушнер или Виткоф, како и еден огранок на американската влада.
- На средбата со Виткоф и Кушнер во Кремљ на 5 септември, Путин предложил договорот да се реализира „како начин да им се покаже на Русите дека можат да соработуваат со САД“. Виткоф и Кушнер имале директна улога во преговарањето за финансиските услови, за да се обезбеди „значителна авансна исплата и удел за САД во добивката“, пишува Њујорк тајмс.
