Вести › Набрзинка

На зборот „затвор“ му треба некоја алтернатива

16 јануари 2023

Македонските затвори за две години имале 386 бегства.
По неодамнештвото бегство на осуденик на дваесет и една година затвор поради убиство и дрога, Ковачевски заклучи дека не е задоволен од досегашниот директор на управата за извршување санкции па ќе се барал нов.
Беким Мемети бил спроведуван до здравствена установа без упат од лекар или од Брза помош. Командирот на одделение ја потпишал наредбата за извршување спровод. Наместо осуденикот да биде сместен во специјално обезбедениот дел од возилото, тој седел во вториот дел на седиштата меѓу двајца затворски полицајци од кои едниот немал пиштол кој бил должен да го носи, а од вториот затворски полицаец е одземен пиштолот со кој затвореникот пукал во возилото
Во поглед на бегства од затворите, Македонија е на челната позиција во Европа со 691 избеган затвореник на 10 илјади затвореници.

извор

Трамп бил кај Епстин со женска?

12 ноември 2025

Џефри Епстин во имејл во 2011 година запишал дека Доналд Трамп поминал неколку часа со жртва на неговиот синџир за проституција во неговиот дом, тврдат демократски конгресмени од Комитетот за надзор на Претставничкиот дом. Овој мејл, според демократските конгресмени, Епстин го испратил до својата партнерка Гислејн Максвел.
Во друг мејл, испратен до новинарот Мајкл Волф, Епстин напишал за Трамп: „Секако дека знаеше за девојките, бидејќи бараше од Гислејн да запре“.
Трамп признава дека се познавал со Епстин, но категорично ги отфрла тврдењата дека знаел за неговиот синџир за проституција и подведувањето малолетнички.
Епстин беше пронајден обесен во својата затворска ќелија во 2019 година, како жртва на наводно самоубиство, а Максвел отслужува казна од 20 години затвор бидејќи му помагала на Епстин во злоупотреба на малолетнички.

извор

Домородците удрија врз климатскиот самит: Вратете ни ги шумите!

12 ноември 2025

Десетици домородци од амазонските племиња насилно упаднаа во зградата во која се одржува глобалниот климатски самит КОП30 во бразилскиот град Белем, протестирајќи против земјоделците и индустријалците што ги загрозуваат нивните заедници и им ја уништуваат природата од која живеат.
Воинствените демонстранти се судриле со обезбедувањето, при што имало и повредени, но биле спречени да се пробијат до главната сала во која биле високите светски претставници.
„Нашата земја не е на продажба. Не јадеме пари. Сакаме нашите земји да бидат заштитени од агробизнисот, црпењето нафта, нелегалните рудници и сечата на дрвја“, порача претставник на локалното племе Тупинамба.
Токму заради самитот КОП30 бразилските власти ја осакатија Амазонската прашума. Десетици илјади хектари заштитена шума беа жртвувани за да се изгради автопат од 13 километри од аеродромот во Белем до конференцискиот центар.

извор