- За еден степен подолу спуштен е кредитниот рејтинг на Америка заради загрижност околу финансиите и кредитниот товар на земјата.
- Агенцијата Фич ѝ одзема едно „А“ па го спушти рејтингот од AAA на AA+, коментирајќи дека во последниве 20 години се забележува „стабилно влошување“ на финансиската кондиција на САД.
- Првата дама на американскиот трезор, Џенет Јелен е убедена дека одлуката на Фич е арбитрерна.
- Латвија им нареди на 841 руски државјани да ја напуштат земјата до понеделник, бидејќи не докажале дека го познаваат летонскиот јазик и не поминале низ задолжителни безбедносни проверки.
- По руската инвазија врз Украина на почетокот на 2022 година, Летонија го измени својот Закон за имиграција и лани дополнително го заостри за руските државјани. Од Русите се бара да аплицираат за статус на долгорочен престој во ЕУ, да покажат познавање на летонскиот јазик на ниво А2 и да поминат безбедносни проверки и проверки на биографијата најдоцна до 30 јуни годинава.
- Новите мерки се однесуваа на околу 30.000 руски граѓани во Летонија. Повеќето ги исполниле барањата, а околу 2.600 си заминале. Многумина од преостанатите не биле свесни дека рокот за регистрација изминал и дека ќе мораат да ја напуштат земјата најдоцна до 13 октомври.
- „Сфаќаат дека нешто не е во ред кога не им се исплаќа пензија. Се јавуваат: Зошто нема пензија? Им велиме: Немате дозвола за престој. Прашуваат: Каде е мојата дозвола за престој? Одговараме: Треба да се придржувате до законот“, изјави Мајра Розе, раководителка на Канцеларијата за државјанство и миграциски прашања.
- Норвешкиот нобелов комитет спроведува внатрешна истрага дали протекло името на добитничката на наградата за мир пред официјалното соопштување во петокот на пладне. Комитетот се гордее со традицијата строго да го крие името на добитникот се до официјалното соопштување.
- Во четвртокот по полноќ на веб-страницата за обложување Полимаркет се засилиле облозите на Марија Корина Мачадо. Десетина часа подоцна беше објавено дека лидерката на венецуелската опозиција Мачадо е добитничка на Нобеловата награда за мир. Кристијан Берг Харпвикен, директорот на Нобеловиот институт, телефонски ѝ се јавил за да ја информира во 10.50 часот.
- До четвртокот вечер, на обложувалниците најголеми фаворити за добитник на нобеловата награда за мир биле а Јулија Навалнаја, вдовицата на рускиот опозиционер Алексеј Навални, и Доналд Трамп. За два часа, шансите за победа на Мачадо се искачиле од 3,75% на 72,8%. Нов корисник, регистриран во четвртокот, ја погодил победата на Мачадо и заработил 65.000 долари.
- „Се чини дека сме биле жртва на криминален актер, кој сакал да заработи пари од нашите информации“, изјави Харпвикен.
