- Луѓето низ светот имаат попозитивно мислење за Кина отколку за САД, според ново истражување на центарот Пју спроведено со над 42.000 луѓе во 36 земји на шест континенти. Во дури 27 земји Кина е опишана како попозитивна од САД.
- „Рејтингот на САД е на историски минимум или блиску до него“, изјави Лора Силвер, авторка на извештајот. Причини има повеќе: војната против Иран, грабнувањето на венецуелскиот претседател Мадуро, нападите врз бродовите во Карибите, воведувањето царини, укинувањето програми за помош и заканите од Трамп за анексија на Гренланд, Канада и Панамскиот канал.
- Во исто време, мислењето за Кина низ светот е значително попозитивно во споредба со периодот на пандемијата на ковид, кога беше на најниско ниво.
- Забележан е тренд на пораст на популарноста на Кина во земјите низ кои ја пробива својата трговско-инфраструктурна иницијатива Појас и пат – во Централна Азија и во Африка.
- Меѓу земјите што сега гледаат на Кина попозитивно отколку на САД се и традиционалните американски сојузници, како Канада, Британија, Франција и Германија. Земји со изразени проамерикански ставови се кинеските ривали - Јапонија, Индија и Јужна Кореја, но и Полска и Унгарија во Европа. Во Израел 81% имаат позитивен став за САД, а само 19% за Кина.
- Компанија која го снабдуваше РЕК Битола со јаглен ја купи фирмата МГФ ИНВЕСТМЕНТ ДООЕЛ Скопје на бизнисменот Зоран Антиќ и се стекна со акции откако влезе во сопственичката структура на „Македонијатурист“, нашата најголема хотелиерска компанија.
- МГФ ИНВЕСТМЕНТ ДООЕЛ Скопје е основана во 2025 година со регистрирана дејност – останати услужни дејност, но се уште нема остварено деловна активност. Таа е фирма основана оф МГ Фешн на Зоран Антиќ кој го гради станбено-деловниот комплекс на паркингот кај Холидеј ин, хотел кој е во сопственот на „Македонијатурист“.
- Новиот сопственик на МГФ, ПРОМЕТ СТЕЕЛ ХОЛДИНГ е во сопствеништво на Абедин Алиу и неговата потесна фамилија.
- Стејт департментот планира да воведе депозит од 100.000 долари за некои странци што аплицираат за „зелена карта“ преку американските конзулати, како гаранција дека ќе можат самите да се издржуваат додека имаат дозвола за престој и работа во САД.
- Сумата на депозитот би можела да варира во зависност од поединечните случаи. Парите би ги добиле назад кога ќе станат државјани на САД – процес што трае најмалку пет години.
- Планот е да се спроведе пилот-проект со мал број земји, за да се потврди изводливоста.
- Стејт департментот го оцени како успешен проектот за воведување депозит во износ до 15.000 долари за апликанти за туристички визи од Малави и Замбија, кој потоа беше проширен на 50 земји, главно од Африка. Туристите би ги изгубиле парите ако останат во САД по истекот на визата или ако поднесат барање за азил. Само 3% од оние што уплатиле депозит останале во земјата.
