Вести › Набрзинка

На ладно се чека по 4 саати за лична карта или пасош

20 декември 2023

Надвор е ладно, едвај неколку степени над нулата. Сега е 9 часот, ама тие што успеале да се доближат до самиот влез се дојдени уште во 5. Гледаат испитувачки кон оној „што сака само да праша“ (фраза која постојано се слушаше), бидејќи не им е сеедно ако по 4 часа чекање, некој туку-така пред нив влезе во објектот каде што се поднесуваат барања за нов пасош, лична карта или возачка дозвола.
Може и побрзо, ама со над 6.000 денари за пасош.
Сето тоа затоа што ни го сменија името, иако на рефендум мнозинството ја игнорираше понудата да смениме име за да влеземе во ЕУ и НАТО.
„Треба тие нас да ни платат, не ние нив“, порачува еден од чекачите преку Призма. „Ова ми е четврти пат како доаѓам. Првиот пат успеав да стигнам и до скаличката пред влезот, ама затворија, било крај на работното време“, раскажува друг. „Сега нека сменат во Јужна па пак да чекаме,“ предлага трет.

извор

Дисциплинска постапка за 11 велешки полицајци по смртта на Росица

26 септември 2025

Против 11 вработени во СВР Велес ќе биде покрената дисциплинска постапка, поради пропусти во постапувањето, по дел од пријавите што Росица Коцева, ги поднесувала против нејзиниот поранешен партнер, кој на 15 септември ја уби неа и нејзиниот татко, а потоа се самоуби.
По насока на министерот Панче Тошковски, била извшена детална внатешна контрола: во најголемиот дел од случаите полицијата постапила согласно законските процедури, но за претходните пријави на жртвата имал пропусти.
Тшковски демантира дека Росица лично му праќала пораки.

извор

Левица најавува тужба до уставен за упатството по кое остана без пари за избори

26 септември 2025

Агенцијата за аудио и аудиовизуелни медиумски услуги (ААВМУ) едногласно го донела Упатството за радиодифузерите за Локалните избори 2025, во истата форма како што било во нацрт-верзијата.
Ова значи дека политичката партија Левица и де факто и де јуре, останува исклучена од можноста за платено политичко рекламирање за претстојните локални избори, иако има шест пратеници во Собранието.
„Во меѓувреме ние се екипиравме со адвокатски тим, ќе поднесеме actio popularis, односно тужба со времена мерка за стопирање на ова Упатство и бараме од Уставниот суд веднаш уште денеска да се произнесе со времена мерка“, рече лидерот на Левица, Димитар Апасиев.
„Можете да ги откорнете сите цвеќиња – но не можете да го спречите доаѓањето на пролетта“, порача Јована Мојсоска која е кандидат за градоначачник на Струга.

извор