Вести › Набрзинка

Москва со рекорден снег во последните 200 години

30 јануари 2026

Во јануари во главниот град на Москва паднале врнежи најголеми во последните 203 години.
Рекордните снежни врнежи во градот од околу 13 милиони жители биле „предизвикани од длабоки и обемни циклони со остри атмосферски фронтови што минуваат над Московскиот регион“, соопшти московската државна опсерваторија.
Претходно Камчатка прогласи вонредна состојба заради вчудоневидувачките снежни наноси кои го парализираа главниот град. Види во: Камчатка, добри?

30 јануари 2026

Унгарскиот премиер Виктор Орбан ја поддржа лидерката на АфД, Алис Вајдел, која побара од Украина да ѝ плати на Германија 70 милијарди евра поради саботажата на гасоводот Северен тек 2. Сумата е еквивалентна на досегашната помош од Берлин за Киев.
Украински специјалци се обвинети дека по наредба од Киев во 2022 година го разнеле гасоводот, финансиран од Берлин и Москва, за транспорт на руски гас до Германија. Серхиј Кузњецов, еден од седумте осомничени саботери, е во притвор во Германија и чека судење.
„Ќе бараме отштета. Ние им плаќаме на Украинците и на Зеленски за да го кренат во воздух нашиот гасовод. Земјата што ни го направи ова не може да биде наш пријател и тоа мора јавно да се прифати“, изјави копретседателката на АфД. „Алис Вајдел е во право!“, забележа Орбан.

Орбан претходно истакна дека „Унгарија не бара конфликт со Украина“, но со денови е изложена на закани, вклучително и од екстремистички воени групи.
„Нема да испраќаме пари во Украина, подобро е да завршат кај унгарски семејства отколку во бањата на украински олигарх... Нема да дозволиме Украина да биде турната во ЕУ во рок од две години, со газење на законите на ЕУ. Тоа би значело и увоз на војна“, објави Орбан.

30 јануари 2026

Епл ќе плати близу 2 милијарди долари за да го има Q.ai.
Тоа ќе ја направи оваа аквизиција на Епл втора најголема досега, откако плати 3 милијарди долари за популарниот бренд за слушалки и аудио Beats во 2014 година.
Q.ai е изралески стартап кој работи на технологија базирана на вештачка интелигенција за аудио.
Имаат развиено технологија што може да „анализира изрази на лицето“ за да се разбере тн „silent speach“. Се користи во слушалки или очила и користи „микро движења на кожата на лицето“ за комуникација без зборување.
Ова би можело да го отвори патот за „невербални дискусии“ со Сири.