Вести › Набрзинка

Многу нејаснотии околу исчезнатиот хеликоптер на иранскот претседател

19 мај 2024

Со часови не се знае судбината на претседателот на Иран, Ебрахим Раиси и шефот на иранската дипломатија откако нивниот хеликоптер се срушил (по други извори „многу лошо се приземјил“), некаде во планините во граничниот појас со Азербејџан, од каде се враќале од нивната посета.
Во конвојот биле три хеликоптери, оној со главните луѓе го снемало во маглата и лошото време.
Едно време викаа го нашле, потоа беше демантирано.
Оние кои не веруваат во несреќни случаи од ваков ранг се убедени дека се работи за атентат а првоосомничен е Израел. Во Израел пак, таквите веруваат дека „атентатот“ е изведен токму за да се обвини Израел.
Главната уредничка на РТ, Маргарита Симонјан, вака иронизира:

„Хеликоптерот на Раиси се урнал случајно поради магла, а во Роберт Фицо пукал луд старец. Исто како и во Олаф Палме и во Кенеди. Се случуваат срања. А тие најсигурно се случуваат со внимателна професионална подготовка спроведена од мајсторите на срањата“.

извор

Еднаквост: Во 27 земји 0,1% e повеќе од 80%

3 октомври 2026

Концентрацијата на богатството кај мала група луѓе во 27 земји од светот го надминала нивото во кое 0,1% од возрасната популација поседуваат повеќе од најсиромашните 80% од жителите.
Јазот е најдлабок во Русија, а најмалку е изразен во Словачка.
Македонија според оваа класификација е меѓу земјите со порамномерна распределба на богатството.
Јужна Африка нуди впечатлив пример за тоа колку можат да бидат трајни овие разлики. Студија што го опфаќа периодот од 1993 до 2017 година покажа дека немало трајно намалување на нееднаквоста во богатството по крајот на апартхејдот.

извор

„Лукоил“ ќе заврши кај партнери на Кушнер и Виткоф

3 октомври 2026

Разговорите на администрацијата на Трамп со Русија за крај на војната во Украина се проширија со нафтен договор вреден повеќе милијарди долари, од кој би профитирале деловни луѓе од Блискиот Исток поврзани со двајцата главни американски преговарачи, Стив Виткоф и Џаред Кушнер.
Договорот се однесува на голем број нафтени полиња, рафинерии и бензински пумпи ширум светот во сопственост на „Лукоил“, една од најголемите руски енергетски компании.
Откако администрацијата на Трамп лани воведе санкции против „Лукоил“, компанијата реши да го продаде својот имот во странство. Министерството за финансии на САД дисквалификува неколку потенцијални купувачи на „Лукоил“.
Сега е договорено имотот да биде продаден на група во која учествува инвеститорот Тод Боли, кој донирал 2 милиони долари за политичките цели на претседателот Трамп, на две групи од Блискиот Исток кои соработувале со Кушнер или Виткоф, како и еден огранок на американската влада.
На средбата со Виткоф и Кушнер во Кремљ на 5 септември, Путин предложил договорот да се реализира „како начин да им се покаже на Русите дека можат да соработуваат со САД“. Виткоф и Кушнер имале директна улога во преговарањето за финансиските услови, за да се обезбеди „значителна авансна исплата и удел за САД во добивката“, пишува Њујорк тајмс.

извор